Salta la barra di navigazione e vai ai contenuti
Vivere la campagna
S’arti de sa ceràmica in Sardigna est arreìxinada in sa preistória, custu est dépiu a s’arrichesa de argídda, chi nci est stétia sempri. Is prodútus de custa arti tènint formas simplis, poíta ddus depeus manixai dónnia dì: màrigas, pratus, tassas, pingiàdas e cícaras, decóraus cun finèsa.
Is ténnicas de produtziòni, a su tórniu (tornu) e a colombinu, fíant símbilis in totu sa Sardígna, aici cumènti uguàli fiat sa manèra de fabbricài is forrus, po coi s’argídda, is aínas po dda modellài e dda smaltài.
Sa bidda prus importanti e specialízada a fai pingiadas de terracota est Pabillonis, nomenàda “sa bidda de is pingiadas!, innói si faint strexus famàus in totu s’Ísula, siat poíta aguàntant is temperaduras artas meda, siat po su lebiori e is formas pràtigas de maníxai. Sa grandu arresisténtzia de is strexus est dépia a is matérias primas, chi tènint calidàdis particulàris.
In dì de oi, is artesanus de su Campidanu de Mesu faint strexus in ceramica e terralla, chi, pèrdia sa funtzioni de prima, funt impreàus po bellesa.