Logo della Provincia del Medio Campidano

Sardegna

Salta la barra di navigazione e vai ai contenuti

Vivere la campagna

Is trabàllus de is artesanus

Legno intagliato

S’economía de su connótu, de su Campidànu de Mésu, est acapiàda a stríntu a sa laurèra e sa pastoría e custu at caraterizàu is prodútus de is artesànus, chi serbint, po su prus, a is trabàllus de dónnia dì. Is artesànus àbilis faint trabàllus spantósus, béllus de biri e de calidàdi bòna, e maníxant matérias de su logu: pèddis, linnàmini, èrbas, cànnas, làna, córrus de animàbis, otígu, argídda, trabàllaus cun fantasía e abbilidàdi.
Is abbisóngius de su trabàllu de dòmu e de sàrtu ant impóstu, po témpus meda, su tràgiu e sa mannària de is trabàllus: is arrasòjas, chi serbiant a is pastòris e a is messàjus ; scartèddus, cròbis de dónnia tipu e po calisisíat impréu; aínas po s’arregòrta in is terras, stréxu de fenu, po is faínas de dòmu, chi fiat corrèdu de is isposas; strexus de tèrracota; tapétus, aràtzus, biancheria; càscias, safàtas de otígu, ecc.
Is artesànus de oi màntenint sa própiu abilidàdi de arisèu trasmítendi su connótu e sa cultúra fadendi trabàllus de grandu calidàdi e prégiu chi, pèrdia sa funtziòni chi teniant prima, funt umperàus po fai bella sa dòmu.
Is bísitas a is butègas e a is mostras de s’artesania, in ocasiòni de is sagras e de is festas, donant sa possibilidàdi de scobèrri su connótu.
Non est scéti unu biàxi po comporài arragódeddus ma una ocasióni po connòsci..

 

Elenco dei prodotti

  • Gioielli in oro Prendas
     Sa Sardígna tenit unu grandu connótu in sa creatziòni de is prendas, poíta su sutéterra est arrícu de prata. Una ténnica antíga meda, chi benit de s’Oriènti e, manixàda fintzas de su perìodu púnicu, est cussa de sa “filigràna”.
  • Arresoja arburesa Su goteddu
     Sa Sardigna est connota po essi sa terra de is metàllus e de is gotéddus, difàtis in medas biddas nci funt is artesanus, chi faint fràcis e gotéddus. Intre de is arresòjas prus nodidas nci funt: sa “Arburèsa” e sa “Guspinesa”. S’Arburèsa, tzerriàda puru sa “Gonnesa
  • Decoro su un portone in legno - Tuili Sa linna
     Su trabàllu de sa linna est praticàu, giài, in totu sa Sardígna e pertócat su trabàllu de is móbilis segúndu su connótu, chi pòdint èssi de formas simplis e, intzàras, funt umperàus po dónnia dì, opúru funt prus apretziàus e decoràus meda. Sa linna prus impreàda est cussa de castàngia, sa de àbiu biancu, sa de ceréxia, sa de nuxi o sa de sìnnibiri, lassàda a cabòri de linna
  • Oggetto in ceramica da parete Sa ceramica
     S’arti de sa ceràmica in Sardigna est arreìxinada in sa preistória, custu est dépiu a s’arrichesa de argídda, chi nci est stétia sempri. Is prodútus de custa arti tènint formas simplis, poíta ddus depeus manixai dónnia dì: màrigas, pratus, tassas
  • Sa crobi Is scatèddus
     Sa Sardígna, cun su matèdu arrícu de màtas, est stetia sempri su logu prus indicau po fai is scateddus. Is matérias primas impreàdas fiant diferentis, a Biddexidru si usat, po esémpiu, sa tzinníga (giuncu), sa canna
  • Particolare della trama a Pibiones Sa tessidura
     Sa tessidúra est s’arti prus antíga praticàda de is fémmias sardas. Is prodútus, a parti su scopu praticu, serbíant po fai bella sa dòmu. Su tapétu est su prodútu prus pretziàu de s’artesanía sarda, chi non serbíat scéti po stèrri in terra ma po cobèrri puru sa mesa e sa cascia. Intra de su tessiu agatàus puru: cobèrtas, mantas, fànigas o burras, pannixéddus, aràtzus
  • Vassoio in sughero S'otigu
     S’otígu si agàtat in is padèntis de sa Sardígna e benit traballàu po fai cosas po sa dòmu. Aprímu, in sa sociedàdi de messàjus e de pastòris, s’otígu fiat impreàu po fai ainas, chi teníant una funtziòni precísa