Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Wednesday, November 21, 2012 - ASSOCIAZIONE MUSICALE SANTA CECILIA
mércuis 21 de Donniasantu de su 2012 – “Associazione Musicale santa Cecilia »
Sa Banda musicali « Santa Cecilia » de Biddacidru e su Coru Polifónicu “Città di Villacidro” presentant sa “Piccola Stagione Musicale” cun d-una série de apuntamentus po Donniasantu – Meseidas de su 2012. Sa diretzioni artistica de is propostas est de is maistus Marco caboni e Massimo Atzori, mentras de is grupus de insiemi, chi ddoi at me in is acontéssius diferentis, est intregada a is maistus: Gianluca Pitzalis e Diego Raspa (ghitarras), M. Todde e Marta Grecu (flautu e violinus), Marco Fonnesu (pianuforti e órganu).
Sesi funt is apuntamentus, chi cumentzant sàbudu 24 de Donniasantu de su 2012 cun sa “Festa di Santa Cecilia”, patrona de is musicistas. Coru e Banda e is grupus de insiemi ant allirgai sa cirimónia religiosa me in sa crésia de Sant’Antoni a cumentzai de is cincu mancu cuartu (16,45) . Is dìs 8 e 15 de Meseidas funt dedicaus a is istràngius de s’ospítziu comunali, in bia Repubblica. Is duas manifestatzionis si faint impari cun s’AUSER. Sàbudu 8 de Meseidas, a is cuatru (16,00) protagonista de sa serada est la “Primarmonia », banda formada de 35 allievus de is Cursus de Música, mentras su 15 de Meseidas, sempri a is cuatru, su Coru Polifónicu « Città di Villacidro » animat sa Santa Missa, chi at celebbrada me in s’ospítziu. Is proposta funt obertas a su púbbricu de parentis, amigus de is istràngius.
Su 21 de Meseidas de su 2012 a is cincu (17,00) ande sa palestra de s’iscola de mesania de bia Stazione ddoi at sa manifestatzioni « Cantare il Natale” cun su cuncertu “Concerto degli Angeli”. Protagonistas 300 pipius de s’iscola materna de sa Diretzioni didàtica “G.Dessì” de Biddacidru, innói de prus de tresi annus est in atu su progetu “Il Coro nella scuola”, gratzias a custu si funt formaus is grupus “Cantare Insieme” junior e senior, dirígius de su Maistu Massimo Atzori. Sa proposta est afiancada de su coru formau de is maistus, de is babbus e is mammas e de su personali de s’iscola, custu puru giai de s’annu passau fait parti de su progetu arremonau, de su Coru Polifónicu, chi proponit sa proposta, e de is allievus de sa « PrimArmonia » de sa banda musicali Santa Cecilia.
Su 22 de Meseidas a is sesi e mesu de a merì (18,30) me in sa crésia de Santa Barbara ddoi at sa rassigna de música e de cantus de Paschixedda : “Insieme in coro”, organizato de su Coru Polifónicu “Città di Villacidro”. In serada ddoi at su Coru “ In ... Cantu de Coru” de Gùspini e su grupu “Monesis” de sa Banda de Santa Cecilia.
Su 23 de Meseidas a is sesi me in sa palestra de s’iscola de mesania de bia Stazione, sa “Piccola Stagione Musicale” acabbat cun su “Cuncertu Traditzionali de Santa Cecilia” de sa Banda Musicali. Protagonistas de is seradas sa Banda magiori e cussa de is allievus e su grupu de Camera, formau de musicistas de s’Assótziu. Duranti is manifestatzionis si presentat su calendàriu de su 2013, chi est s’annu chi “Associazione Bandistica” fait norant’annus.
Is propostas si realizant gratzias a su comunu de Biddacidru, de sa Regioni Autonoma de sa Sardigna, de sa Província de su Campidanu de Mesu, e gratzias a s’agiudu puru de “Tavolo permanente delle Federazioni Bandistiche Italiane e alla Federazione de Bande Musicali della Sardegna”
“Associazione Musicale Santa Cecilia”
Banda Musicale Santa Cecilia”
bia Parrocchia 202 – 09039 Biddacidru (VS) casella postali n°44
“e-mail”: sceciliavillacidro@tiscali.it
www.bandasceciliavillacidro.org
Tel. Fax. Segr. : 070 234 61 39 – cell.: 339 865 54 04 - 339 811 14 57
