Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Thursday, October 1, 2009 - ARREDATZIONI
Seus imprentendi su bandu po tres bussas de stùdiu, po € 1.800, 00 donniunu, po is sonadoris no professionistas, nàscius o chi bivint in sa Provìntzia de su Campidanu de Mesu, chi funt impinniaus in Assòtzius de mùsica, Istitutzionis scolàsticas de mori musicali, Scolas tzìvicas, Conservatòrius puru in is àteras provìntzias.
Su progetu nàsciu in sa Banda Musicali Santa Cecilia de Biddexidru ddu at arriciu s’assessorau a sa Cultura, Imparu Pùbricu de sa Provìntzia de su Campidanu de Mesu e de Rossella Pinna arrapresentanti cosa sua, ca nd’at fatu un’atividadi insoru donendi sa faidura a sa banda promovidora.
Sa Bussa de stùdiu oferrit una possibilidadi de importu a is bincidoris de pigai parti po una cida, cun imparadoris de sperièntzia manna e afortiada, una scola de mùsica o unu Conservatòriu de arrasu intranatzionali in d-unu Stadu europeu, aundi benint imperadas metodologias didàticas annoadoras e de arresurtaus segurus. Sa primu editzioni dda ant fata in su 2007 e in su 2008, is bincidoris ant pigau parti a sa “Garstenmusikschule” in Garsten (Austria Arta) acanata de Linz, cun arresurtaus stravanaus po is piciocus e po s’assòtziu de aundi ndi benint.
Sa bussa pagat is spèndidas de su biaxu, de su bivi ingunis e sa spèndida po is letzionis, chi ant a spaciai cun d-unu cuntzertu in sa scola o in su conservatòriu ospidanti.
S’atividadi, una de is medas in su mori culturali musicali de custa Provìntzia, nascit no sceti po donai sa possibilidadi a is sonadoris no professionistas de amanniai, bivi una sperièntzia de stùdiu diferenti, ma finsas po insullai s’arrealidadi musicali po fai de prus in su mori de sa formatzioni e pràtica musicali.
Is bussas de stùdiu po sonadori professionistas, pruschetotu de su mundu bandìsticu est ùnica in Sardìnnia e in Itàlia puru. Medas bortas, custus interbentus funt po studiantis de is istitudus scolàsticus e no de is assòtzius musicalis, aici comenti is Bandas. Is crassis amìtias a cuncursu funt: legni, ottoni, percussioni e cordofoni (inclùdius is archi).
Sa presentada de is pregontas scadit su 14 de su mesi de Donniasantu, in s’interis sa proa de cuncursu est prevìdia po su 7 e su 8 de su mesi de Idas de su 2009 in Biddexidru. Po esaminai is chi pigant parti nci at una giuria de professionistas. Dda ghiat Jo Conjaerts su Professori olandesu chi traballat cun s’Universidadi musicali de Maastricht, chi est garanti in is scolas cumbentzionadas cun sa Banda De Biddexidru, de sa calidadi de abilesa de is bincidoris. Funt acanta Chiara Vidoni sa professora, furlana, imparadora de clarinetu e dirigidora de banda e Karl Holzner, austriacu, ex dirigidori de sa Scola de mùsica de Garsten (Austria Arta), imparadori de clarinetu e dirigidori de Bandas de s’Austria. Sa dirigidura artìstica, cun incàrrigus de coordinamentu dda ant donada a Marco Caboni, dirigidori de sa Banda de Biddexidru.
Is chi pigant parti tenint sa facultadi de sceberai is branus, ca sa durada de is tempus stabilèssius de su bandu depint essi 6 o a su prus 12 minudus cun d-unu branu de inghitzu. Su parri at a essi espressau cun critèrius ogetivus chi benint imperaus in totu su cuncursu natzionali e intranatzionalis chi pigant in cunsideru s’abilesa de totu de su chi pigat parti e de su barrancu de su branu o de is branus sceberaus. Sa graduatòria at a essi ùnica e sa bussa at a essi de is primus tres crassificaus chena de pigai in cunsideru sa crassi de cuncursu. Po intrai in graduatòria tocat a tenni unu puntègiu su prus bàsciu de 85/100 po pigai parti a una Scola de Mùsica de unu stadu europeu (Austria o un’àteru stadu). Chini invècias pigat unu puntègiu assumancus 95/100 tenit sa possibilidadi de pigai parti a s’Universidadi reali de Mùsica de Maastricht.
“Pensiamo che questa iniziativa sia di grande importanza, sostengono i rappresentanti della Banda di Villacidro, perché per la prima volta un Ente pubblico rivolge la sua attenzione alle associazioni di volontariato musicale in maniera originale e non solo con i soliti contributi, ma presentando una occasione per i musicisti di crescita tecnica e culturale. E’ inoltre un riconoscimento per l’attività di preparazione e formazione che queste associazioni svolgono con grandi sacrifici, di fronte alla carenza di finanziamenti. Significa inoltre che si prende atto che in queste associazioni esistono e si formano talenti musicali di non poco conto. Se non ci fosse una occasione come questa per molti ragazzi ci sarebbero scarse possibilità di formazione di livello, sia per i costi, che per le difficoltà per frequentare luoghi di formazione internazionale”
Is novas fait a ddas pregontai a is indirìtzius afatantis:
telefax 070 2346139
Telefoneddu 339 8111457 Concetta Vacca sa Presidenti
Telefoneddu 339 8317728 Marco Caboni dirigidori artìsticu
Telefoneddu 348 4268313 Annarella Aru arresponsàbili aministrativa
Curreu eletrònicu mariaconcetta.vacca@tiscali.it sceciliavillacidro@tiscali.it
