Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Partendi de ladu a Biddexidru is possibilidadis de fai passilladas in su monti Linas funt medas, podeus andai a biri is spendulas de Muru Mannu e cussas de Piscina Irgas.
De sa Cantina Ferraris (367 m.), in su parcu de Monti Mannu a Biddexidru, si partint medas moris.
Su mori CAI 109 s’at a portai, po mesu de una passillada praxibi e spassiosa, inantis a una de is ispèndulas prus bellas de su monti Linas, a oru a oru de su Riu Cannisoni aintru de unu cràchiri de ilixi meda tipiu. Su caminu sighit cabendi conc’a su letu de su turrenti e passat a oru de su bau. S’arangiu burdu ( lòstiu) e s’ olioni sighint su percursu a oru de s’arriu, fintzas a candu non si lompit a sa spendula de Muru Mannu: s’imponentzia de is 72 metrus de sartu procurat emotzionis fortis, chi faint scaresci de su fadiori de su percursu, chi tenit cuncu tretu impenniativu.
Is montixeddus de arroca ofrint vistas bellas medas.
Su tempus prus bellu po visitai sa zona est su berànu (primavera), candu is fruminis funt in prena, poita nc’ est prus birdi e a giru a giru s’ intendit su fragu de is froris, ma sa bellesa de is logus si podit biri a tot’annu.
Su mori CAI 113, chi traversat (truessat) s’Arriu Cannisoni, intrat in d-unu cràchiri de ilixi. A pagu a pagu, comenti su mori artziada s’ atobiant passàdroxus strintus, arrocas mannas de granitu e laghixeddus in d- unu matedu, finas a giúngiri aundi si podit ammirai, de susu, sa spendula. De innoi su caminu est in cabada e condusit a is peis de sa spendula, is acuas de custa si ghetant in d-unu laghixeddu de un’artesa, prus o mancu, de 40 metrus, po lompi in su turrenti Leni, apustis de ai formau piscinas e spendulas piticas.
