Salta la barra di navigazione e vai ai contenuti
Vivere la campagna
Sa vista spantosa, chi andat de is montis de Biddexidru fintzas a su Golfu de Aristanis, s’at a ripagai de su fadiori de sa passillada, chi est longa meda. Su percursu cumentzat in sa zona mineraria de Montibeciu (Montevecchio) e a pustis, prus o mancu, 4 oras de caminada, artziat asuba de unu cucuru, chi est tra is prus bellus de su territoriu: Monti Arcuentu, unu vulcanu oramai studau, chi parit unu omini dromiu, segundu cancunu Napoleoni. In su Monti Arcuentu o Erculentu, chi segundu su contu est sa montannia de Ercole, ddoi est su chi abarrat de unu casteddu de su mediuévu. Su monti est, puru, unu logu de pregadoria..
Longu su caminu, su matèdu de tupa bascia de modditzi e juncu aresti passat a pastura. Una borta lompius a is peis de is arrocas sperrumadas, su mori sighit brintendi in is gùturus de basaltu e traversat logus prenus de storia naturali e umana finas a arribai in unu padenti, innoi is arruìnas de fàbbricus antigus, is madàus e s’altari votivu testimongiant su significau chi teniat cussu logu.