Logo della Provincia del Medio Campidano

Sardegna

Salta la barra di navigazione e vai ai contenuti

Vivere la campagna

Su turísmu de sa scola

Castello di Sanluri

Castello di Sanluri

 

A parti su turísmu de arrecréu, est crescéndi un àtera arràtza de turísmu, chi est besséndi sempri prus importànti: cussu de is iscòlas, fatu de gitas (andàdas) e biaxis de impàru. Su turísmu de is iscòlas me in is úrtimus bint’annus at tentu una spinta manna e oindì est bessíu unu fenómenu incolliósu. Su svilupu de is sciéntzias, chi pertocant s’educatzioni, at svelau s’importàntzia de s’esperiéntzia diréta po sa formatziòni, pruscatotu chi est fata po mesu de métodus e struméntus nóus cumenti su giógu, su laboratóriu e is atividàdis didàticas.
Po mesu de unu turísmu sciènti si spertant a is piciochéddus a sa connoscéntzia, a s’arrispétu, e a s’amòri po i bènis de s’ambienti e de sa cultúra de sa propia terra.
In Italia, su turísmu de sa scòla est, puru, sa mellus arrespústa a su probréma de su turísmu de stagiòni e de trúma, difatis prodúsit svilupu bendéndi cultúra e rapresentat un’intràda importànti po medas musèus e parcus, etc.
Su progétu speriméntali de is caminus po su turísmu de is iscòlas in sa Província de su Campidànu de Mesu est una propòsta po is iscolas de sa regioni, po spertai su turísmu de is iscolas in su Campidanu de Mesu, po mesu de s’avaloraméntu de su patrimóniu de sa cultúra e de s’ambiénti.
Su progétu est formàu de caminus fitianus destinàus a is crassis de is iscolas primàrias e segundàrias (de primu e segúndu gradu) ; si consillaus unus cantu tretus (tàpas), chi si podint cumbinai a pari o scumpònni a prexèi de is maístus, de is professòris e de is piciocheddus. Is percúrsus propóstus pertocànt sa storia, sa sciéntzia, sa natura e donant sa possibilidàdi de fai atividàdis de giógu e de impàru fatas de is muséus e parcus.
Su chi unit custus tretus diferèntis funt seti tèmas principàlis: archeología de is nuràxis, is casteddus de su Mesuévu, is minièras e s’ambiènti storicu – sotziali de su XIX sec., s’architetúra e sa storia de s’arti religiósa, Giuseppe Dessì, is Giaras, su sistèma de is dunas, su sistema de is montis Linas – Arcuentu.
Su progétu partit in fasi cumènti in s’annu académicu 2010 -2011.
Si mandàus a is setziònis de asuta po biri e po scarrigài su “power point” de presentatzioni e su progétu.

Nobas

  • Museo del territorio - Sa Corona Arrubia “Sa Corona Arrubia” unu museu chi crescit
    01/12/10 - REDAZIONE - Su Museu de su territóriu « Sa Corona Arrubia », chi est una realidadi importanti po sa cultura in Sardigna, sighit su percursu de rennovamentu, torrendi a is oríginis ma castiendi a su tempus benidori. Partendi de is primu mostas fissas de su museu, chi pertocant sa natura, ant a cresci sempri...
  • Copertina brochure Il nuraghe Su Mulinu mostra la sua perla
    21/05/10 - REDAZIONE - Il 21 maggio 2010 riapre al pubblico il vano E del “Nuraghe Bianco”, meglio noto come “Su Mulinu”, principale complesso archeologico del Comune di Villanovaforru....