Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
S’artìculu 6 de sa Costitutzioni italiana narat craru craru ca: «La Repubblica tutela con apposite norme le minoranze linguistiche». Aintru de is làcanas de su Stadu italianu su bilinguismu perfetu est arreconnotu in sa Baddi de Aosta, Trentinu Artu – Adigi (SüdTirol) e in is provìntzias de Gorìtzia e Trieste (aundi nci funt minorias slovenas).
In custus logus lacanantis cun Stadus stràngius, s’Italia at dèpiu amarolla arreconnosci is minorias frantzesas, tedesca e slovenas.
Po totu is atras minorias e lìnguas de minoria chi funt aintru de su Stadu italianu su tretu po lompi faci a su bilinguismu est cumentzau de su 1999 candu su Stadu italianu at aprovau sa lei nr 482 chi a s’artìculu duus narat: 1. In attuazione dell'articolo 6 della Costituzione e in armonia con i princípi generali stabiliti dagli organismi europei e internazionali, la Repubblica tutela la lingua e la cultura delle popolazioni albanesi, catalane, germaniche, greche, slovene e croate e di quelle parlanti il francese, il franco-provenzale, il friulano, il ladino, l'occitano e il sardo.
Ma po torrai a su contu de su bilinguismu, po sciri ita est su bilinguismu, s’iat podi arrespundi imperendi is fueddus de Antoni Lèpori chi narat chi su bilinguismu est: «s’umperu ufitziali de duas lìnguas, duncas s’italianu e su sardu iant a essi umperaus tot’e duus de sa pròpia manera»1 . Duncas in Sardìnnia puru su bilinguismu iat a depi essi unu deretu-dèpidu.
In d-un’arregimi de bilinguismu s’imperu ufitziali de duas lìnguas, s’italianu (lìngua de su stadu) e su sardu (lìngua ènniga) iant a depi essi imperadas s’una a su costau de s’atra in dònnia e calisiat logu: Scola, Universidadi, Aministratzioni Pùbrica, mèdius de comunigadura (giorronalis, arràdiu e televisioni e finsas in Internet). Is traballus de is ofìtzius de sa Lìngua Sarda, aici comenti a-i custus de sa Provìntzia de su Campidanu de Mesu srebint pròpiu po ndi strantaxai custa polìtica de bilinguismu.
