Logo della Provincia del Medio Campidano

Sardegna

Salta la barra di navigazione e vai ai contenuti

Vivere la campagna

Is Caminus Consillaus po sa scola primaria

Cavallini della giara

Is mògorus de sa Marmidda intramesaus de is Jaras, sa campura de su Campidanu, is montis de su Linas –Arcuentu, su mari chi sciundit is costeras longas e arenosas o ferrit asuba de is arrocas a picu, chi de tretu in tretu faint caleteddas, unu arrogheddu de desertu in mesu de su Mediterraneu.
Sa Província de su Campidanu de Mesu est una tra is prus piticas de sa Sardigna, siat po su chi pertocat s’edadi, poita est una de is prus giòvunas, difatis nascit in su 2005, siat po su chi arriguardat sa istérrida, poita ocupat 1516 Km2 il 6,3% de su territóriu de sa Sardigna.
E cun totu est unu territóriu arricu meda, non scéti po is vistas ma fintzas po su logu, sa natura, sa storia, s’arti, sa cultura, s’architetura e su papai.
Sa proposta cosa nostra po is caminus est pensada po is iscolas, po totus is pipius e is piciocheddus, chi impari cun is maistus e is professoris insoru, ant a bolli bisitai sa Província birdi, po scoberri logus unicus cumenti su sistema de is dunas o is “Jaras”; sighendu is arrastus de sa civilidadi de is nuraxis; a sa scoberta de sa storia. E apustis nci funt is cresias, unas cantu funt particularis meda po su chi pertocat s’architetura e is óperas de arti chi ddas alluxentant; tipus diferentis de museus, is parcus, is situs archeológicus, is polus scientíficus.
Medas funt is tapas chi donant sa possibilidadi de passai una o prus dis imparendu e spassiendusì , scoberrendu e fadendu cun is amigus e cumpangius un’esperiéntzia unica.
Is caminus propostus funt spratzius segundu s’imparu, si diferentziant po is gradus de aprofundimentu e podint essi fatus a praxei de is maistus e de is piciocheddus .
Is percursus torraus a proponni me in su portali sighint in manera precisa is chi funt stetius fatus in orígini, però po pratica funt presentau in manera prus simpli e lestra.
Aici is ramus passant de 12 a 5 e cuncu caminu cambiat ma su puntu de riferimentu (arrelatu) abarrat su nòmini de is comunus e is tapas!
Chi osservais eis a biri ca non nci funt is prétzius ... non si ddus eus scarescius ... su traballu cosa nostra est proponni, s’organizatzioni pratica spetat a is iscolas, mancai agiudadas de is agentzias de biaxi de su logu o ais istitutus culturalis.
Si consillaus, po su chi pertocat is struturas, chi si podint bisitai po mesu de prenotatzioni, de fai riferimentu (arrelatu) a is comunus.
S’organizatzioni de is caminus po ramu de disciplina est stetia pensada po agiudai a is maistus, a is professoris e ai piciocheddus a si orientai tra isceras diferentis.
S’arreconnoscimentu de is ramus est unu riferimentu (arrelatu) indicativu, difati donnia realidadi podit essi bida de puntus de vista diversus.