Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Friday, November 23, 2012 - COMUNICATO STAMPA
Cenàbara 23 de Donniasantu de su 2012 – Comunicau po is giornalis
Sa Borsa Mediterranea de su Turismu Archeológicu de Paestum (BMTA) at afestau in sa mellus manera possíbbili sa de 15 editzionis. Mancai sa crisi generali chi ddoi at, s’organizatzioni at scípiu mantenni su grandu livellu de calidadi e de professionalidadi chi dda iscerat. Addiritura ddoi iat trinta Istadus rapresentaus me in 7000 milla metrus cuadraus de ammosta, 200 esponidoris, “workshop”intranatzionalis cun 70 “buyers”(compradoris), custus is númunus importantis de s’acontéssiu.
Sa Província de su Campidanu de Mesu at pigau parti a s’acontèssiu de su 15/18 de Donniasantu impari cun sa Subrintendéntzia po is Benis Archeológicus de Casteddu e Aristanis, presentendi su patrimóniu archelógicu de su territóriu suu e pruscatotu at ammostau is atividadis de su progetu comunitàriu “ACCESSIT”, finantziau cun su dinai de su “ P.O Italia-Francia Marittimo 2007 – 2013”.
Po su púbbricu e is operadoris professionalis est istétia un’ocasioni po connosci, po mesu de is progetus e is immaginis, is risorsas culturalis principalis de sa Província de su Campidanu de Mesu e de is cumpàngius de progetu ( Província de Lucca, Província de Pisa, RAS-DG Beni Culturali, CTC- Service Patrimoine, Regione Liguria: Asssssorato Cultura e Turismo, Província di Grosseto, Conseil Général Corse-du-Sud, Conseil Général Haute-Corse).
Sa BMTA de Paestum rapresentat s’acontéssiu promotzionali de su turismu archeológicu prus importanti a livellu italianu, innói sa Sardigna, impari cun àteras regionis, giogat unu ruolu de primu piamu, gratzias a unu patrimóniu istóricu –culturali arricu e spaniau, chi su “Unesco” in medas ocasionis at proclamau Patrimóniu de s’Umanidadi.
Sa Província de su Campidanu de Mesu teniat unu padiglioni a s’internu de s’ispàtziu de ammosta riservau a sa Sardigna, chi istrangiàt puru is Provincias de Casteddu e cussa de su Sulcis-Igresienti, innói ant presentau is risorsas turísticu-culturalis e archeológicas principalis de su territóriu: su Nuraxi de Barúmini, Su Nuraxi e Museu Archeológicu “Su Mulinu” de Biddanoa Franca, su Putzu de su nuraxi de Santa Anastasia e su Museu Archeológicu de Villa Abbas, su patrimóniu ambientali e culturali de s’Arburesu, su Parcu de sa Giara, is monumentus megalíticus de Gonnos e de Siddi e su circúitu de is museus de sa Marmidda, scéti po ndi nomenai cuncunu.
Sa preséntzia de medas giornalistas e operadoris specializaus est su puntu de fortza de sa manifestatzioni. Is “buyers” (compradoris) èsterus ant esprimiu un’apretziamentu particulari po is bellesas de su territóriu de sa Província de su Campidanu de Mesu chi ant tentu modu de connosci in custa ocasioni.
Nota po is giornalis – “Sa Província de su Campidanu de Mesu a sa Borsa Mediteranea de su Turismu Archeológicu de Paestum (15/18 de Donniasantu de su 2012)
