Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Monday, November 19, 2012 - Associazioni culturali villacidresi
Lunis 19 de Donniasantu de su 2012 – Associazioni culturali villacidresi
Arriciu, pubbricaus: Incontro associazioni culturali villacidresi: Comunicau po is giornalis de is assótzius
15 assótzius operantis me in su Comunu de Biddacidru ant participau a sa primu reunioni, tzerriada de issus e totu, sàbudu 17 de Donniasantu a is cincu e mesu de a merì (17,30) ande sa sedi provisória de sa Banda Musicali in bia Todde (ex-maceddu). Sa reunioni teniat cumenti a ogetu s’argumentu: “Incontrarsi per conoscersi e costruire”. Is presentis ant chistionau de argumentus diferentis: cumenti si movi e a calis propostas s’ acostai. S’iscopu principali est cussu de preparai unu documentu po s’Amministratzioni Comunali, chi spieghit is necessidadis de is assótzius localis e is propostas de programmatzioni comuna. A s’atóbiu ddoi iat: “Pro Loco”, “Paese d’Ombre”, “AUSER”, grupu scout “Madonna del Rosario”, grupu folcorísticu “Città di Villacidro”, “Manifestamente”, “Tempu Nou”, “Acquamarina”, “Abarra”, cummedia teatrali “Sa Fluminera”, “Progetto Comune”, “AGESCI” , “Parrochia Santa Barbara”, “Kyalab”, oratórius parrochialis, “Banda Musicale Santa Cecilia” e “Coro Polifonico Città di Villacidro”. A s’atóbiu ddoi iat puru s’Assessori a s’ispetàculu, Alessandra Casu, chi at sighiu cun atentzioni totus is fasis de s’atóbiu. Sa reunioni s’est oberta arragodendi s’art.9 de sa Costitutzioni e s’art. 11 de s’Istatutu de su Comunu de Biddacidru. Is interventus funt istétius medas e prenus de propostas e ant ammostau unu disígiu mannu de participatzioni e cunfrontu. Medas interventus ant postu in luxi sa necessidadi de una Consulta, innói sa rapresentàntzia siat paritària, po podi chistionai e progetai. S’est sutalineau su valori de su trabballu fatu impari, chi agiudat a totus a cresci, po mesu de su scàmbiu de esperiéntzias, de cumpeténtzias e de mezus. Is propostas ant evidentziau chi is assótzius funt in gradu de programmai acontéssius e rassignas, fadendi arrisparmiai a su comunu e permitendi a custus e totu de arriciri agiudus económicus, chi medas bortas andant a assótzius esternus, ma custu chentza esclúdiri su cunfrontu cun àteras realidadis. Medas is propostas sutapostas a s’atentzioni de s’Assori Casu, “Progetto Comune” at fatu sa proposta de unu regulamentu po s’impreu de is ispàtzius púbbricus, àterus ant propostu un’inventàriu de is fàbbricus chi no funt umperaus, de donai a is assótzius. Custu iat a garantiri sa difesa de istruturas, chi oi funt ogetu de atus de vandalismu e e chi funt abandonaus a sa trascuradesa, difatis medas de is presentis ant nau chi: “si unu de custus localis est intregau a un’assótziu, at a essi tentu beni, po creai unu logu acoliosu po is socius e s’atividadi, cumenti est cumprovau de is fatus. S’assótziu “Kyalab” at fatu sa proposta de istituiri un’ufíciu de consuléntzias fiscalis po is assótzius, po tenni finantziamentus púbbricus e europeus puru. Totus ant sutalineau sa necessidadi chi sa Consulta siat oberta puru a cussus assótzius chi no fiant presentis in custu primu atóbiu o a cussus chi si formant apustis. S’importanti est chi tengiant un’istatutu in régula cun sa lei o cun is doveris fiscalis. Is presentis si funt donaus apuntamentu intra 15 (cuindixi) dìs po isterri unu documentu de propostas de presentai a s’Amministratzioni Púbbrica. Cumentisisiat is assótzius ant decidiu de sighiri a si atobiai po programmai impari e po garantiri a totus ispàtziu e visibbilidadi. S’est nau chi custus funt unu valori aciuntu po is comunidadis, chi chentza de custas iant a torrai agou.
