Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Tuesday, November 13, 2012 - ASSOCIAZIONE MUSICALE SANTA CECILIA
martis 13 de Donniasantu de su 2012 – “Associazione Musicale Santa Cecilia”
Arriciu, pubbricaus: “Autoconvocatzioni delle Associazioni Culturali Villacidresi”
Sàbudu 17 de Donniasantu a is cincu e mesu de a merì (17,30) ande sa sedi provisória de sa Banda Musicali in bia Todde (ex-maceddu) ddoi at una reunioni de totus is assótzius culturalis, chi trabballant in Biddacidru po chistionai de “Incontrarsi per conoscersi e costruire”. Sa proposta nascit de unus cantu de assótzius localis, chi si funt atobiadas prima e ant domandau sa sedi de sa Banda, chi podit istrangiai sa reunioni. Sa proposta nascit de sa necesidadi de connosci is realidadis diferentis, chi trabballant me in su comunu e chi, medas bortas arrannescint a fai bellus trabballus, a solus chentza mai si atobiai. Sa necessidai de trabballai impari est biva ma fintzas a immui no si funt agatadas is oportunidadis po ddu fai in manera cordinada e eficaci.
Biddacidru tenit una grandu arrichesa de assótzius ma, medas bortas, est difícili a dda avalorai, poita sa mapadura no est cumpleta e no si connoscint a paris. Custa tzerriada de is assótzius fata de issus e totu nascit de sa voluntadi de si connosci e de permitiri a donniunu de si esprimi chentza istrobbus po avalorai is potentzialidadis insoru e po progetai propostas comunas po avalorai s’arrichesa de espressionis culturalis de custa bidda, innói medas bortas s’intedit nai “No nci est nudda” Si bolit fai a connosci a sa genti chi esistint tantis atividadis importantis e si podit scioberai intra de tantis espressionis culturalis adatas a dónnia edadi. Fatuvatu si organizant acontéssius, srbendusì de organizatzionis esternas, no connoscendi is risorsas chi ddoi at in custu comunu e impegnendi dinai, chi iat podi, invecias, donai una spinta a is propostas de custa realidadi. De sempri si domandat una Consulta, chi iat a podi donai a su comunu stímulus interessantis e mancai consillus, po impreai mellus su dinai a vantàgiu de is assótzius cidresus, ma pruscatotu donai sa spinta po programmai acontéssius importantis. Custu naturalmenti no escludit su cunfrontu cun àteras realidadis esternas. Is assótzius bolint chistionai impari e trabballai impari po fai un’aina importanti po sa comunidadi, fadendi unu cordinamentu a sa pari. Sa reunioni est oberta a totus is amministradoris, chentza nisciuna esclusioni, poita si bolit fai progetai impari e poita is necessidadis siat valutadas e cunsideradas in basi a is cuntestus relativus. Sa proposta nascit cun sa sperantza chi s’amministratzioni comunali arriciat su recadu (messàgiu) po fai una Consulta Comunali, chi tengiat sa possibbilidadi de chistionai, proponiri e programmai.
