Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Saturday, November 10, 2012 - REDAZIONE
mércuis 27 de Làmparas de su 2012 – Redatzioni
Arriciu, pubbricaus: Sant’Antoni de Santadi – Dì finali de sa festa.
Fonti: Proloco de Arbus – Organizzazione di Sant’Antonio da Padova di Arbus 2012.
Funt duraus unus cantu mesis is apariciamentus po una de is festas prus importantis de sa Sardigna e, po su chi pertocat su pellegrinàgiu, única in su cuntestu natzionali e europeu.
Est cun sa rassigna “Aspettando Sant’Antonio”, promóvia po s’editzioni de su 2012, chi si funt scandidas totus is fasis de aprontadura e si funt avaloraus is elementus carateristicus de sa Festa, a cumentzai de is bois e de is cuaddus, is cuncodraduras fatas in materialis naturalis, a sa decoradura de “su Cocoi de sa Festa” e de is pratzas obertas po apariciai is tracas. Cust’annu po sa primu borta ant apariciau sa cursa de Sant?Antoni, chi s’est fata su 26 de Maju passau me in su burgu de Sant’Antoni de Santadi. Un’abetu mannu po una festa importanti meda, cumentzada mércuis 13 de Làmparas po sa dì litúrgica de Sant’Antoni de Padua, su mengianu in Sant’Antoni de Santadi e su mericeddu in Arbus, cun sa prucessioni po is bias de sa bidda e sa beneditzioni e sa spaniadura de su pani. Cenàbara 15 in pratza Immacolata ddoi at sìapariciamentu de su cóciu e sa pulidura de is froris po s’arramadura de sa avatu.
Ddoi at cuatru dìs de festa de su sàbudu a su martis. Sàbudu partit su pellegrinàgiu, cun s’isfilada de is cavaglieris, de is grupus folclorísticus lòmpius de totu sa Sardigna, de sa banda musicali, de is tracas a bois e de cussas a motori e de medas divotus. Cussa de is carrus a boi est una traditzioni antiga manténnia e sighida de is carradoris de Arbus, po divotzioni a Sant’Antoni. Funt 12 is i giogus de bois chi pigant parti a s’editzioni de su 2012 e 24 is tracas a motori totus cuncodradas cun sa fàniga bianca, cun is cuncodraduras de materiali naturali, e is ogetus de sa traditzioni de sa messarítzia e de sa pastoria. Funt is grupus de is tracas is protagonistas de s’úrtima dì de festa, chi est domigu 1° de Argiolas e si fait in Arbus ande s’anfiteatru comunali, difatis ant a fai una rassigna de giogus traditzionalis tzerriada “Tracas senza frontiere”. In prus ddoi at sa Festa de sa birra Ichnusa, sa loteria de Sant’Antoni e sa premiatzioni de su cuncursu fotograficu e trasmitint sa finali de is europeus de càlciu cun tastadura finali de sa truta Ichnusa.
