Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Sunday, June 17, 2012 - L'UNIONE SARDA
domigu 17 de Làmparas de su 2012 – L’UNIONE SARDA
Arbus. Sa prucessioni cun tremilla personas, tracas e grupus folclorísticus at fatu 38 chilometrus intra sa bidda e sa localidadi de mari. Ariseu merì ddoi iat tremilla personas in su burgu marinu de Sant’Antoni de Santadi, lòmpias de totu su Campidanu e de sa parti de Aristanis. Ddoi iat coranta tracas. Narat Salvatore Murtas, Presidenti de sa Pro loco de Arbus, chi at organizau sa festa: “ Si mancant is tracas no parrit nimancu festa poita est cumenti a ndi bogai su caràtiri de originalidadi e de briu populari”.
Genti. Ddoi iat 20 grupus folclorísticus, 15 cavaglieris, 30 cuaddus, autoridadis religiosas, civilis rapresentantis in montura (divisa militari) de sa politzia penitentziària de is Arenas. No mancant is costumus traditzionalis de is biddas, is cantus, is sonus, is caboris e is prendas de sa festa, su sonu de is launeddas, sa banda musicali Ennio Porrino, e un mari de genti a pei e a cuaddu, chi ant sighiu sa prucessioni prus longa de su territóriu, una de is prus longas de Europa, po sa sa longària : 38 chilometrus de Arbus a sa sa localidadi de mari, aroru a sa Costa Verde. Una festa in grandu istili cussa de su 2012, po un’apuntamentu chi si arripitit de cuatruxentus annus. De candu is abbitantis de Santadi, po no esponni s’istàtua de su Santu a su profanamentu musulmanu, iant portau s’istàtua a Arbus, po apustis ndi dda torrai in bidda. Diaci est cumentzada s’usàntzia de ddu acumpangiai in prucessioni dónnia annu a mitadi de su mese de Làmparas. Una festa religiosa chi animat sa biddixedda. Ma est puru una festa de bidda innói proceddu, pisci de Aristanis e sartitzu arregalant fragus bellus e antigus in su mentris chi funt arrustendi. Cust’annu is arrustidoris funt una bintina, chi fintzas a crasi trabballant acantu de tantis ambulantis, giai centu, cussus autorizaus de su Comunu.
S’identidadi. Narat s’Assessori a sa Cultura, su Vice-Síndigu, Gianni Lampis: “Mancai ddoi at sa crisi económica, no eus fatu mancai su contribbutu nostru de bintimilla eurus. Est unu momentu religiosu de sa traditzioni chi si rennovat. Po custu no podeus permitiri chi morgiat, tudada de sa situatzioni contrària de custas dìs”. Arragodat chi cust’annu sa bidda at trabballau, po avalorai is elementus de s’identidadi. De Abribi a su mesi de Làmparas cun is dìs de is bois e de is cuaddus, cun is cuncodraduras ande su Museu Corda, is labboratórius de decoradura de su pani. Su momentu prus importanti de sa festa oi, a is dexi e mesu sa prucessioni po is bias de sa bidda, sa missa, sa tastadura de is prodotus localis. A is seti de a mesì s’ispetàculu de cumenti si sétzit a cuaddu a sa sarda, a is noioras música cun su grupu Ballos. Crasi a is tres e mesu ddoi at una rassigna de arti e artesania, a is cincu unu torneu de càlciu, in memoria de Frau, a is sesi de a merì sa missa, a is otu e mesu ballus in piatza. Martis, cumenti orbescit, su Santu est postu in su carrucóciu po torrai a Arbus. A s’acabbu is artifitzius.
