Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Friday, April 27, 2012 - PROVINCIA DELLA SPEZIA
cenàbara 27 de Abribi de su 2012 – Província de La Spezia
Arriciu, pubbricaus: Is Províncias de s’Arcu Latinu impari po avalorai is situs de s’Unesco.
Fonti : Província de La Spezia.
Fiasella: “Poneus a sistema is territórius. Is províncias protagonistas de sa promotzioni de is identidadis localis”.
Sa Província de La Spezia in primu línea in sa preparatzioni de un’istrategia comuna, chi acapit is situs Unesco de is províncias de s’Arco Latino. Custu mengianu in província ddoi iat una reunioni tzerriada de su Presidenti Marino Fiasella innói Tecla, Arcolatino (su vice-presidenti est Fiasella) e sa Província de Alessandria, rapresentada de s’Assessori Gian Franco Comaschi, si funt cunfrontaus asuba de is istrategias comunas, po avalorai is situs Unesco in termini de promotzioni turística. Sa Província de Alessandria, de Siracusa, su Consell de Mallorca, sa Província de Salerno, sa de La Spetzia e su “CGAude” funt associadas de s’Assótziu Arco Latino, spàtziu de coperatzioni intra comunidadis territorialis, chi preparant datus integraus in cuntestus istratégicus diferentis cun s’iscopu de afortiai s’unidadi económica e sociali de is territórius chi ndi faint parti. Intra is cuntestus istratégicus individuaus ddoi at sa messa a sistema de is territórius, chi tenint intra de is próprius particularidadis logus arricus de momumentus o de vistas (paesàgius) arreconnotus de s’Unesco cumenti a patrimóniu mondiali de s’umanidadi. In di de oi funt 6 is situs arreconnotus, chi faint parti de su progetu ( Parco delle 5 Terre e Arcipélagu de Portovenere, Maiorca, Costera Amalfitana, su complessu monumentali de Carcassonne, Ortigia, Mantova) mentras sa Província de Alessandria abetat s’ésitu po s’istàntzia de arreconnoscimentu de Le Langhe, previstu po su 25 de Làmparas in San Pietroburgo.
“Sa Província de La Spezia- at nau Fiasella - at cundividiu su percursu cumentzau de Alessandria po s’arreconnoscimentu de Le Langhe cumenti a patrimóniu de s’Unesco. Intra is duas províncias no ddoi at goparàgiu formali ma de fatu ddoi at un’acàpiu saldau de sa boluntadi de ponni a sistema duus territórius avalorendindi is potentzialidadis. Intra custas apuntu sa preséntzia de situs de paesàgiu (vista) únicus in su mundu. In d-unu momentu cumenti a custu candu a su “Parco delle 5 Terre” mancat una guida política, sa Província est bessida protagonista me in sa promotzioni turística e sa costrutzioni de arrelatas intra de is territórius. Piemonte e Liguria tenint in comunu meda de prus de una simpli bixinàntzia giogràfica e is Províncias funt is Entis chi ant trabballau de prus in custus annus, po avalorai is identidadis, segundu su principiu de sa collabboratzioni de is territórius fundada asuba de unu sistema de valoris cundivisus. S’Europa at firmau me in su 2000 una cunventzioni chi arreconnoscit sa vista (paesàgiu) cumenti a unu valori importanti de interessu generali. Is Províncias funt is únicas in gradu de arricai custu cuncetu cun sa connoscéntzia de is particularidadis de su territóriu e La Spezia ndi est un’esémpiu. Is terratzamentus de is 5 Terras, òpera de s’ómini, funt unu valori aciuntu de una natura giai ispantosa. Acabada sa reunioni si nci andaus cun s’obbietivu de realizai strategias chi avalorint is situs de Unescu e ddus fatzant apetitosus e praxibi po su turismu. In custu puru su territóriu nostru est a s’avanguàrdia e ponit a dispositzioni de is àterus sugetus fichius in su progetu sa própriu esperiéntzia: “le 5 Terre” difatis funt unu de is situs “internet” prus castiaus intra is 936 arreconnotus in totu su mundu de s’Unesco”
