Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Tuesday, December 27, 2011 - COMUNICATO STAMPA
27 de Meseidas de su 2012 – Nota po is giornalis
Cumentzant is atividadis.
S’Assessorau a sa Cultura de sa Província de su Campidanu de Mesu cun is finantziamentus de su 2008 de € 72.000,00, otentu segundu sa Lei 15 de Meseidas de su 1999, n° 482 « Norme in materia di tutela delle minoranze linguistiche storiche » (Normas in matéria de amparu de is minorias linguisticas istóricas), si preparat a fai cumentzai is propostas de su progetu de sighidura de s’isperimentadura linguística de sa Província. De su mesi de Gennaju, cumentzant is trabballus is Ufícius de Língua Sarda, chi ant abbratzau su progetu de sa Província, me in sa sedi de su Consillu in Biddacidru, in su Comunu de Gúspini, in su comunu de Mara Arbarei e in su Comunu de Serrenti. Is Ufícius oberrint duas bortas a sa cida, de is noioras de a mengianu a is duas de apustis prangiu ( 9,00 – 14,00) funt a dispositzioni de de sa genti, de is ufícius púbblicus e de is assótzius. Sa preséntzia de is operadoris cualificaus assigurat su servítziu a su púbblicu, sa tradusidura de is documentus, de is notas po is giornalis e de iscedas de ponni in su situ « Web2 de sa Província. A s’acabbu de Gennaju, cumentzat, po su segundu annu, unu cursu de Língua Sarda de II livellu, de 60 oras. Duncas, si cumbidant totu is dipendentis de s’Amministratzioni Púbblica, is maistus, is professoris e is citadinus (cumenti a uditoris) a cuntatai is ufícius cumpetentis po is iscritzionis e po is iscedas relativas. Cun s’annu nou cumentzat puru su labboràtoriu « Sonus e fuedhus » po is pipius e is piciocheddus de is iscolas primàrias de Biddacidru, Mara Arbarei, Serrenti, Pabillois, Gúspini e Giauni (Genuri) chi previdit s’impreu de sa varianti linguistica de su logu cumenti a mediu de comunicatzioni e cumenti a aina artistica – musicali, po mesu de sa connoscéntzia de is ainas e de is ténnica de sa traditzioni : su sulitu, is benas, is launeddas, sa ghitarra, organetu, su cantu a tenori.
Su finantziamentu previdit puru su fai cartellus, insignas e inditus cun is nóminis istóricus de is logus in Língua Sarda.
Michele Cuccui, Assessori a sa Cultura narat : « Is progetus preparaus gratzias a is finantziamentus ministerialis, chi amparant sa Língua Sarda, si permitint de sighiri unu percursu de circa cumentzau giai ses annus fait, chi at interessau is iscolas, is Amministratzionis Púbblicas e a is citadinus cun s’iscopu de lompi a fueddai duas línguas ».
Po calisiasiat isceda si podint cuntatai is Ufícius de s’Assessorau a sa Cultura a su númunu +39 070 79 35 63 56 opuru si podit mandai una “e-mail” a : cultura@provincia.mediocampidano.it , uls@provincia.mediocampidano.it
