Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Wednesday, June 8, 2011 - L'UNIONE SARDA
Sa cosa de papai fata cun alimentus biológicus e a chilometrus zeru.
Mandaràngiu, meba, fràgula, cerésia e prodotus biológicus ant a essi, de s’annu chi benit, me in is mensas de is iscolas maternas, elementaris e de mesania de sa Província de su Campidanu de Mesu. Custu, perou, no est totu, iscaresceisì sa sólita merenda : mortadella, salami e paninus, poita, cumenti sonat sa campana de su discansu, at a cumparri fruta de istagioni, pani, gioddu e mebi. Custa est sa filosofia de su progetu “Satu po imparai”, firmau de sa Província, de is Istitutzionis de s’iscola, de s’Asl de Seddori, de su “Gal Monte Linas”, de s’ “Agenzia Laore” e de is fatorias didàticas.
Is novidadis. Me in sa sedi de su Consillu de sa Província in Biddacidru, ariseu ant afestau s’aprou de unu capitulau de apaltu, chi obbrigat is gestoris de is mensas a ispertai costumus alimentaris sanus e echilibraus. Fra is novidadis ddoi at : sa durada de s’apaltu, chi no est prus pagu de tres annus; sa garantzia chi assumancu su 70% (setanta po centu) de su prodotu siat biológicu e a chilometrus zeru, sa distàntzia de su centru innói si coxinat no depit essi prus de bintixincu chilometrus e su tempus de cunsigna de sa cosa de papai no depit superai sa mes’ora. Is impresas, chi ant bintu s’apaltu, in prus, depint apariciai unu progetu de educatzioni alimentari, ispertai s’arritiru e s’ ispainàdura de su papai chi avantzat a is assotzius de boluntariau o po sa cura de is animabis.
Sa Província. Gigi Piano, Assessori a s’Istrutzioni, spiegat: “ De su papai dipendit sa saludi de is pipius e de is mannus de su tempus benidori, po custu motivu sa Província at ispertau un’atóbiu, innói ant trabballau impari totu is operadoris fichius in su servítziu. S’iscopu de su progetu est s’impreu de prodotus, de sa messarítzia, de sa pastoria e de allevamentu chentza de ogm, de is siendas de su logu o chi funt iscritas in su registru de is produtoris. Depeus ispertai sa “filiera corta” (filera crutza), fai ispàtziu a sa calidadi e allargai su modellu a atrus deretus de umperu (utèntzias) cumenti a is ospítzius, a is centrus de assisténtzia, a is personas sobas e abbisongiosas”.
Ddoi at 3.670 alunnus chi gosant de sa mensa, po unu giru de dinai chi lompit giai a is tre millionis de eurus. Su costu de su papai disvàriat de iscola a iscola e de bidda a bidda, passendu de 3,37 eurus po is pipius piticus a is 6,00 eurus po is piciocheddus de is iscolas de mesania. Is númunus ispiegant s’importàntzia de sa proposta e s’abbisóngiu de unu prétziu únicu, 4,30 eurus, po dónnia logu e po dónnia iscola.
