Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Tuesday, December 11, 2012 - COMUNE DI SARDARA
martis 11 de Meseidas de su 2012 – Comunu de Sàrdara
Arriciu, pubbricaus: Sa de 4 cuferéntzia Intranatzionalis « Herity », Museus Vaticanus – Sàrdara at arriciu is certificaus de calidadi po is situs obertus a su púbbricu.
Fonti : Comunu de Sàrdara
Sa de IV Cuferéntzia Intranatzionali Herity, Museus Vaticanus. Sàrdara ddoi iat e at animau is discussionis e is atividadis. S’ant torrau a donai is certificaus de calidadi po is situs obertus a su púbbricu. Un’ocasioni ótima, po fai a connosci a una platea intranatzionali su patrimóniu culturali nostru.
Roma – Citadi de su Vaticanu. De su 5 a su 7 de Meseidas, me in sa sala cunvegnus de is Museus Vaticanus, ddoi iat sa de 4 Cuferéntzia Intranatzionali Herity, enti chi donat is certificaus de calidadi po su patrimóniu culturali. A sa cuferéntzia at pigau parti una delegatzioni de su Comunu de Sardara, formada de su síndigu Giuseppe Garau, de su consilleri Roberto Ibba, e de du presidenti de sa coperativa “Villa Abbas” Giuseppe Garau.
Est istétia un’ocasioni importanti, po fai a connosci su patrimóniu culturali materiali e immateriali sardaresu a una platea de espertus intranatzionalis, intra de custus ddoi iat Antonio Paolucci, diretori de is Museus Vaticanus, Alberto Contri, presidenti de sa fundatzioni “Pubblicità Progresso”, Luis Oosterbeek, vice-presidenti di “Herity International”, Gavino Maresu, espertu de gestioni de is impresas e de is acontéssius turísticus.
Duranti sa serada de su 6 de Meseidas, me in sa sedi de s’Istitutu de Cultura olandesa de Roma, Sàrdara at arriciu is certificaus de calidadi po is situs obertus a su púbbricu (area archeológica de Sant’Anastasia, Museu Archeológicu, crésias de sa Beata Virgini Assunta, Santu Gregóriu e Sant’Antoni) asuta de sa castiada curiosa de Philippe Daverio, premiau po su trabballu e is isfortzus chi fait, po fai a connosci su patrimóniu culturali italianu.
Me in sa parti finali de sa cuferéntzia, sa delegatzioni sardaresa at presentau, in d-unu interventu, is benis culturalis de sa bidda e is atividadis de avaloramentu e comunicatzioni de su patrimóniu nostru.
Duranti sa cuferéntzia ant presentau s’acórdiu intra Herity e Isnart ( Istituto Nazionale Ricerche Turistiche di Unioncamere), po sa promotzioni cordinada de is logus certificaus Herity e 10Q in totus is arioportus natzionalis. S’atóbiu intranatzionali at permítiu de stringi cuntatus importantis cun operadoris cualificaus italianus, europeus e sudamericanus, ponendi is basis po trabballus benidoris de fai impari. Cun su rennovu de is certificaus e sa participatzioni a sa cuferéntzia si cumentzat una fasi noba po s’avaloramentu de su patrimóniu sardaresu, chi depit portai a unu miglioramentu de s’oferta turística e culturali, indiritzada a unu púbbricu sempri prus orientau a sa circa de sa calidadi.
