Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Friday, September 28, 2012 - L'UNIONE SARDA
Cenàbara 28 de Cabudanni de su 2012 – L’UNIONE SARDA
Oi, in Serrenti, cumentzat sa festa de Santa Vida. Sa festa, una de is prus intendias de sa Província de su Campidanu de Mesu, fait curri dónnia annu unus cantu milla visitadoris e pellegrinus. Cussus chi prenint is tantis barracas de pisci e petza arrustu e is bancarellas istrangiadas in cussu chi parit unu cuartieri arabu in stili paesanu, a parti sa cresiedda ecisera dedicada a sa santa. Su santuàriu rapresentat su riferimentu po tantis fielis chi, mancai in manera diferenti chi in passau, ammostant sa fidi insoru cun unus centu de ex-votu, donaus a Santa Vida, po arriciri sa gratzia de una sanadura o de unu trabballu. Su programma de sa festa, curau de sa Pro Loco e de s’arretori don Antonio Pilloni, est cumentzau ariseu cun sa bistidura de sa Santa cun su bistiri de seda arrubia. Oi, a is noioras e mesu de a noti, ddoi at sa finali regionali de “Miss e Mister Folklore Sardegna 2012”. Crasi a is seti e cuartu de a merì portant sa Santa de sa crésia fintzas a su santuàriu.
De generi diferenti is atóbius chi ddoi at duranti sa dì: a is duas e mesu sa gara de tiru a piatellu me in su campu de tiru de Samatzai e a is noioras e mesu de a su noti s’ispetàculu de “Pino e gli Anticorpi”. Medas is missas chi ddoi at domigu me in sa crésia de Santa Vida, chi at fait de sfundu a sa serada de ballu lísciu. Lunis est sa dì prus importanti de sa festa, chi cumentzat a is sesi de a mengianu e sighit a is dexi cun sa prucessioni e sa missa manna, me in su pratzabi de sa crésia de Santa Vida. A merì ddoi is artifítzius e apustis a dexi de a noti su cuncertu de su grupu “Noi Vagabondi”. Sa festa acabbat martis cun sa cummedia in sardu “Tott’unu su babbu”.
