Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Wednesday, December 12, 2012 - L'UNIONE SARDA
Mércuis 12 de Meseidas de su 2012 – L’UNIONE SARDA
Su Comunu de Barùmini e sa Fundatzioni Barùmini Sistema Cultura organizant una festa po su de 15 anniversàriu de s’iscritzioni de s’area archeológica de Nuraxi me in sa lista de su Patrimóniu de s’Umanidadi. Domigu 16 de Meseidas me in su Centru “Giovanni Lilliu”, a is cincu de a merì (17,00) si torrant arremonai is momentus prus importantis de s’istória de su situ, a mancu de un’annu de sa morti de Giovanni Lilliu. Ddoi at at s’ammosta de su momentu “Daidàleia. La memoria nell’arte” , un’arregalu a s’area archeológica e a is elementus naturalis de is oríginis de sa creatzioni e de sa capacidadi de inventai, de parti de otu artistas intra is prus afirmaus me in su panorama de s’arti avedali in Sardigna, cumenti a Rossana Rossi, a Gianfranco Pintus, a Antonello Ottonello, a Caterina Lai, a Monica Lugas, a Andrea Gorges Davanzati, a Marta Fontana e a Nilla Idili. Un’istrutura manna de Rossana Rossi, intitúlada “Nur”, caraterizat su tretu acanta a su Nuraxi, donendi a is visitadoris una prospetiva noba de su situ, chi s’at a aciungi a cussa archeológica.
A s’atóbiu ddoi at ai Emanuele Lilliu (Síndigu de Barùmini), Luigi Crisponi (assessori regionali de su Turismu), Fulvio Tocco (Presidenti de sa Província de su Campidanu de Mesu), Claudio Ricci (Síndigu de Assisi e Presidenti de “Associazione Beni italiani Património mondiale Unesco), Maria Assunta Lorrai (Diretora regionali po is Benis Culturalis e de su paesàgiu po is províncias de Casteddu e Aristanis), Giuseppa Tanda (Diretora de s’Iscola de specializatzioni in Benis archeológicus e de su Centru intradipartimentali de sa preistória e protostória de su Mediterraneu), Cecilia e Caterina Liliu, fillas de Giovanni Lilliu, e Margherita Coppola, Istórica de s’arti e curadora de s’ammosta. A s’acabbada música e leturas dedicadas a Giovanni Lilliu. S’ammosta abarrat oberta fintzas a su 21 de Martzu, totus is dìs de is dexi de a mengianu (10,00) a is cincu de a merì (17,00).
