Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Friday, March 30, 2012 - REDAZIONE
cenàbara 30 de Martzu de su 2012 – Redatzioni
In su cuntestu de is atividadis de su progetu de afortiamentu de su servítziu de su sistema bibbliotecàriu « Monte Linas », “Obiettivo 3” – Promotzioni de su servítziu: presentada de líbburus, si fait isciri chi, sàbudu 14 de Abribi de su 2012 a is dexi e mesu (10,30), ande su cineteatru “Le Terme” de Sardara ddoi at sa presentada de su líbburu “Is primus milli fueddus sas primas 1000 allegas in sardu” de Stefano Cherchi. Sa presentada est organizada de su sistema bibbliotecàriu “Monte Linas” impari cun su Comunu de Sardara, assessorau a sa Cultura.
Intervevint:
Giuseppe Garau – Síndigu de Sardara
Raimondo Pisu – Ass.re a sa Cultura de su Comunu de Sardara
Gianluigi Piano – Ass.re Istrutzioni Púbbrica de sa Província de su Campidanu de Mesu
Giampaolo Pisu – Consilleri Comunali de Sardara, delegau a sa Língua Sarda
Antonella Mancosu – Cordinadora Progetu Sistema Bibbliotecàriu
Stefano Cherchi – Autori de su líbburu
Intermesu teatrali cun Stefania Bettini e Carmen Porcu
a cura de sa “Cooperativa Agorà Sardegna”
S’òpera
Programma po imparai is fueddus fundamentalis de su sardu, no sceti po is pipius ma, po is personas puru chi no connoscint su sardu. Su líbburu est un’arragota de milli fueddus presentaus me in duas variantis prus mannas de sa Língua Sarda, Campidanesu e Logudoresu-Nugoresu, e iscritus umperendi is arregulas de sa normalizatzioni gràfica. Su líbburu didàticu est arricau de is disegnus a colori de Tiziana Melis, chi ammostant is fueddus e chi agiudant a si ddus arragodai: cosas, atzionis e emotzionis chi arriguardant is esperiéntzias de sa vida de dónnia dì e de sa vida moderna; e de un’scritu piticu in Língua Sarda, útili po cussas situtzionis ( verbus, agetivus, avérbius) innói is disegnus no sempri funt cumpletus e crarus. In prus su líbburu cuntenit unu vocabbolàriu piticu sardu – italianu. Su líbburu est pentzau cumenti aina ativa de connoscéntzia e de cunsideru, chi bolit acostai is nóminis de is cosas me in is duas línguas “standard” cun is nóminis de is cosas me in sa varianti de su logu fueddada e connota de su pipiu. Difatis, aici cumenti est iscritu me in sa presentada, ddoi at un’ispàtziu asuta de dónnia ogetu disegnau, chi permitit a is piciocus de istichiri su fueddu me in sa varianti de su logu insoru. Su cufrontu visivu diretu de is variantis agiudat, duncas, s’imparu de is diferéntzias siat intra is variantis de su logu e sa variedadi manna de apartenéntzia, siat intra is duas variedadis mannas principalis.
