Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Tuesday, October 30, 2012 - REDAZIONE
Martis 30 de Meseladàmini de su 2012 – Redatzioni
Arriciu, pubbricaus: “Guspini si prepara all’Autunno d’Autore”.
Fonti: Ufítziu Comunicatzioni de su Comunu de Gùspini
Su 10 de Donniasantu cumentzat s’editzioni 2012 de “Autunno d’Autore.- Passaggi di tempo: i suoni, la scrittura, la musica”. Tresi funt is atóbius fissaus po tresi sàbudu de sighiu, 10,17 e 24 de Donniasantu. Su 10 de Donniasantu me in sa sala de “Case a Corte”, a is sesi e mesu de a merì, ddoi at Giacomo Casti chi, acumpangiau de sa música de Matteo Sau, ligit unus cantu passus de su líbburu « L’Italia vista dalla luna », unu biaxi longu 150 annus, fatu de tapas e fasis diferentis e chi cambiant, unu biaxi fatu de distàntzias e de bixinàntzia, puntus de incontru e puntus de stesiadura intra s’Italia e sa Sardigna, unu percursu fatu de música e de contus intra is logus, su tempus e is drammas suus acumpangiaus de grandus pentzadoris e iscritoris, chi funt istétius (e funt) sardus e italianus. S’iscritori nàsciu in Sardigna, innói bivit e trabballat ancoras oi, si ocupat de literadura, teatru (regista e autori), cinema ( at trabballa cumenti a atori cun G. Cabiddu) e música. In passau fadiat parti de su diretivu de sa “Fondazione Giuseppe Dessì”, est sóciu fundadori e unu de is diretoris artísticus de s’assótziu « Chourmo », chi giai de dexi annus organizat in Casteddu su “Marina Café Noir Festival” asuba de is literaduras apricadas.
Su sàbudu avatanti spetat a un’àteru iscritori, Flavio Soriga chi, acumpangiau de Elio Turno Arthemalle Elio Satta e Giovanni Peresson, presentat “Scrittori da Palco: pubblici discorsi sardo-global sulle terre dei mufloni”. Una ligidura dilliranti asuba de sa Sardigna, asuba de su mundu e de sa genia umana, fata de contus ammanniaus, de istórias a su microfunu, música, fueddus, de gorgheus e baddadas. S’atóbiu est a is undixi e mesu po is cuintas de is istitutus superioris IPSIA e ITCGI, po totu is àterus est ai sesi e mesu sempri me in “Case a Corte”. Soriga, iscritori e giornalista, bincidori de unus cantu prémiu literàrius, est ospiti fissu de su programma G.Day, condúsiu de Geppi Cucciari me in sa LA7 e est istétiu unu de is autoris de su programma de RAI3 “Hotel Patria”, chi ant donau s’annu passau. Serrant sa rassigna is “Malinda Mai”, chi su 24 de Donniasantu a is sesi e mesu sonant me in su Centru servítzius de s’incontrada PIP. Su títulu de su cuncertu est « De Andrè classic », cumenti si cumprendit torrat a proponni is cantzonis prus famadas de Fabrizio De André, sonadas e cantadas de su vivu.. Is « Malinda Mai » funt cunsideraus is interpretis prus importantis a livellu natzionali de su repertóriu de su cantanti. Ant afortiau su cunvicimentu insoru, mandendi ainnantis su progetu, candu, me in su 2004, in Milanu, iant cantau ainnantis de Dori Ghezzi, cumpàngia de su cantautori e, in cuss’ocasioni, mardina de sa manifestatzioni dedicada a De Andrè.
