Salta la barra di navigazione e vai ai contenuti
Vivere la campagna
Thursday, February 24, 2011 - COMUNE DI ARBUS
Giobia su 24 de Friaxu de su 2011 – Comunu de Arbus
arriciu, pubbricaus : Nascit s’Ofitziu de sa Limba Sarda. Fonte : Comunu de Arbus
Su Comunu de Arbus impari cun s’Assotziu Culturali “Sa Bertula Antiga”, chi giai de una pariga de annus est impenniada po s’amparu de sa Lingua Sarda, fait sciri chi est obertu s’Ofitziu de sa Limba Sarda.
S’Ofitziu de sa Limba Sarda, chi at a oberri una borta a sa cida, depit furriai in sardu is àutus de s’Amministratzioni Púbbrica (deliberas de Giunta e de Consillu, determinas, ordinàntzias, etc.).
S’Ofitziu tenit intentzioni de abbivai, su prus prestu possibili, unu cursu de Lingua Sarda, chi at a essi obertu a totus e a sa fini is chi ant a frecuentai ant a arricì un’atestau de participatzioni.
“Intru de is atividadis chi s’ofitziu depit fai, narat s’Assessori a sa Cultura Gianni Lampis, nci est cussa de traballai impari a is iscolas de dónnia ordini e gradu, cun is assotzius de sa bidda e cun calisisiat persona interessada a connosci e a studiai sa Lingua Sarda”
Po calisisiat informatzioni podeis domandai a su Comunu de Arbus in bia Pietro Leo n°55, su primu e s’úrtimu martis de su mesi, de is 15,00 a is 17,00.