Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Tuesday, September 4, 2012 - COMUNE DI VILLANOVAFORRU
Martis 4 de Cabudanni de su 2012 – Comunu de Biddanoa de Forru
Arriciu, pubbricaus: Manifestatzioni “Mestieri, saperi e sapori del passato”.
Fonti: Comunu de Biddanoa de Forru
Su 7, 8, 9 de Cabudanni de su 2012, s’Amministratzioni Comunali de Biddanoa de Forru e sa Pro Loco impari cun is istruturas arricidoras e produtivas privadas organizant sa manifestatzioni “Mestieri, saperi e sapori del passato”.
Sa manifestatzioni, oramai lòmpia a sa de seti editzionis, tenit s’iscopu de avalorai is atividadis de is istruturas arricidoras e is produtzionis de is artesanus, no scéeti de su logu,ma de totu su territóriu, cumenti a chi trabballat sa terraglia (ceramica), a chi fait iscateddus, a chi fait goteddus, a is isculpidoris, a is pintoris, a is ferreris, a is picaperderis, a is maistus de linna, a is peddajus a is arricamadoras e a is artistas. Sa rassigna cumentzat cenàbara 7 de Cabudanni a is noioras e mesu ( 21,30) cun sa proietzioni de su documentàriu de Piero Tatti: “Custu est su procu” asuba sa bocidura de su procu pesau in domu, innói is antzianus torrant a arragodai momentus de sa vida de dónnia dì de su séculu passau. Su 8 de Cabudanni a is sesi e mesu (18,30) ddoi at sa presentada de su romanzu istóricu “Boe Muliake – Il re templare” de Angelo Mascia acumpangiau de s’animatzioni de su “Gruppo Medievale Antica Turabolis” de Terraba e su grupu istóricu “Compagnia del Borgo” de Seddori. Me in sa rassigna grandu importàntzia ant a tenni a i giogus antigus, difatis ddoi at labboratórius didaticus aposta po mannus e po pipius e sa primu editzioni de su torneu de birillias, giogu chi si fadiat meda in Biddanoa de Forru. Su 8 e su 9 de Cabudanni ddoi at is bancarellas de is artesanus e de is artistas, chi ammostant is trabballus e is òperas insoru. Me in is domus a sa campidanesa ddoi at ammostas de pintura e de isculpidura e trabballus fatus in linna e in perda; ddoi at puru s’obertura istraordinària de su museu cívicu. A s’internu de sa rassigna agatant logu is traditzionis antigas de su papai cun “Simbua fritta cun satitzu” e “Cixiri cun peis de procu” in programma su 8 e su 9 de Cabudanni. No si ndi podit fai de mancu de tastai custu papai, pruscatotu po connosci e si torrai a ponni meris de is connoscéntzias e de is saboris de su passau. In Biddanoa de Forru, gratzias a custa rassigna, un’annu avatu de s’àteru, su passau torrat a bivi e si afortiat, assigurendi sa trasmissioni de is connoscéntzias antigas.
Po biri su “spot” de sa manifestatzioni:
http://www.youtube.com/watch?v=Kv4thPqm7U&feature=channel&list=UL
po biri un’arrogheddu de su “film”:
http://www.youtube.com/watch?v=w178QvljwZ&feature=youtu.be
Programa de sa manifestatzioni:
Cenàbara 7 de Cabudanni
21,30 ( noioras e mesu de a su noti) proietzioni de su “film” “Custu est su procu” in língua sarda ( regia de Piero Tatti, durada 1 ora). Presentada a cura de Tomas Tatti. A s’acabbu apustixena cun is autoris (Piatza Costituzione). Narat su regista Piero Tatti: “ At a essi unu momentu po pentzai totus impari e de spaniamentu de is connoscéntzias de sa manera sana de bivi de sa civilidadi de is messajus. Su Videu fueddat de s’allevamentu de su procu in Marmidda e ndi arraxonat asuta s’aspetu istóricu e sociali”.
Sàbudu 8 de Cabudanni
9,30 (noioras de a mengianu) vísita a su Parcu e a su Museu Archeológicu “Genna Maria”;
10,30 (dexi e mesu de a mengianu) obertura de is bancarellas, vísita ande is domus capidanesas; B&B; labboratórius de artesania.
Ammosta de prodotus de s’artesania e de su papai de su sartu, me in is bias de su centru istóricu.
15,00 (tresi de a merì) labboratóriu didaticu asuba de sa terràglia (ceramica) e de is giogus de sa traditzioni, localidadi “Pinn’e Maiolu”.
17,00 (cincu de a merì) I Torneu “Biríllias” de Biddanoa de Forru, localidadi “Pinn’e Maiolu”
17,30 (cincu e mesu de a merì) Ammosta de artesania in Pratza “Costituzione”.
18,30 (sesi e mesu de a merì) presentada de su líbburu “Boe Muliake. Il re templare” de Angelo Mascia acumpangiau de su “Gruppo Medievale Antica Turabolis” de Terraba e su grupu istóricu “Compagnia del Borgo” de Seddori (crésia de San Francesco).
20,00 (otu de a merì) festa manna “Simbua frita cun satitzu” sa de 16 editzionis (Piatza Costituzione).
21,30 (noioras e mesu de a noti) Ispetàculu de música etnica cun Walter Atzori e Graziano Mascia ( Piatza Costituzione).
Domigu 9 de Cabudanni
9,30 ( noioras e mesu de a mengianu) vísita a su Parcu e a su Museu “genna Maria”;
10,00 (dexi de a mengianu) obertura de is bancarellas, vísita ande is domus típicas (domus a sa campidanesa); B&B; labboratórius de artesania. Ammosta de prodotus de s’artesania e de su papai de su sartu me in is bias de su centru istóricu.
15,00 “Giocando nei campi morfici” . giogus e garas cun giogus de sa traditzioni (localidadi Pinn’e Maiolu).
17,00 ( cincu de a merì) I torneu “Birillas” Biddanoa de Forru (localidadi Pinn’e Maiolu)
17,30 ( cincu e mesu de a merì) “Dimostrazioni artigiane”. Artesanus e artistas a s’òpera in Piatza Costituzione.
19,30 (seti e mesu de a merì) “Cixiri cun peis de procu” II editzioni (Piatza Costituzione)
21,30 ( noioras e mesu de a noti) Benito Urgu e Sabrina ( Piatza Costituzione).
Po àteras iscedas tocat a domandai:
tel. 070 934 512 11 - 070 934 511 - 070 930 00 50
telefax 070 934 512 50 opuru a s’indiritzu “e-mail”: info@comune.villanovaforru.ca.it opuru vnforru@tiscali.it
“Facebook”: Vilanovaforru eventi www.facebook.com/villanovaforru.eventi
Proloco Villanovaforru: www.facebook.com/proloco.villanovaforru
