Salta la barra di navigazione e vai ai contenuti
Vivere la campagna
Wednesday, July 25, 2012 - COMUNICATO STAMPA
mércuis 25 de Argiolas de su 2012 - Comunicau po is giornalis
Is progetus gràficus presentaus funt 214, 176, invecias, cussus ammítius a su cuncursu, po creai unu marcu po su Sistema Bibbliotecàriu de sa Província de su Campidanu de Mesu. A custu cuncursu ant pigau parti gràficus professionistas e no, italianus e no, preparendi unu marcu cantu prus possíbbili eficaci, simpli e originali.
Una borta esaminaus totus is progetus gràficus, sa Commissioni giudicadora at decídiu de nominai cumenti a bincidori de su Cuncursu a su Sig. Pasquale Quitadamo, residenti in Monza, cun sa motivatzioni avatanti:
“ Po sa calidadi ótima de su progetu, po sa craresa de su messàgiu esprímiu in d-una manera interessanti e originali. Sa ligeresa aparenti de su sinnu gràficu avalorat sa possibbilidadi de ligi is formas, chi rapresentant beni, in sensu generali, sa personalidadi varia, dinamica, propositiva de s’identidadi de sa Província de su Campidanu de Mesu. In su complessu su marcu esprimit, po mesu de una sintesi crara e pronta e cun riferimentus precisus a símbolus de is originis cumenti a is Menhir, sa inginniosidadi e sa capacidadi de si arrelatai de su Sistema Bibbliotecàriu de sa Província de su Campidanu de Mesu”.
Cunsiderendu, però, su grandu valori de totus is progetus gràficus, chi si funt distintus in generali po una capacidadi bona de progetu e de sintesi, sa Província de su Campidanu de Mesu, po donai sa possibbilidadi de biri is trabballus e arringratziai totus is participantis, ddus at pubbricai, cantu prima, me in su situ “internet” cosa sua.