Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Monday, May 16, 2011 - CONSORZIO TURISTICO SA CORONA ARRUBIA
lunis 16 de Maju de su 2011 – CONSORZIO TURISTICO SA CORONA ARRUBIA
Arriciu, pubblicaus: Cunferèntzia e discussioni “Il Cammino dei musei – la rete dei 14 musei e siti”
Fonti: Consorzio Turistico Sa Corona Arrubia
Mèrcuis 18 de Maju de su 2011, me in su Museu « G.Pusceddu » in localidadi Sa Corona Arrubia, bia Collinas – Lunamatrona, in ocasioni de sa “Giornata Internazionale dei Musei” ( Dì Internatzionali de is Museus), nci at ai sa Cunferèntzia e sa discussioni “ Il Cammino dei musei – la rete dei 14 musei e siti”.
Programma
Cunferèntzia de presentada
16, 30 (a is cuatru e mesu de a merì) saludus de is Autoridadis
Daniela Figus ( Presidenti C.d.A. F.F. – Consorzio Turistico Sa Corona Arrubia)
Fulvio Tocco (Presidenti – Província de su Campidanu de Mesu)
Michele Cuccui ( Assessori a sa Cultura - Província de su Campidanu de Mesu)
Gianluigi Piano (Assessori a is Benis Culturalis - Província de su Campidanu de Mesu)
16,45 (a is cuatru e tres cuartus) Presentada de s’idea progetu e de is atzionis de su “marketing” territoriali
17,00 (a is cincu de a merì) Presentada de sa linea gràfica e de s’ immagini cordinada
Discussioni
17,20 Interbentus e discussionis cun is responsabilis de is 14 museus e situs archeologicus chi pigant parti a sa proposta.
Su cunvegnu organizau me in su “Museo del Território del Consorzio Turisticu Sa Corona Arrubia” presentat a totu su pubblicu su billetu unicu “Il cammino dei Musei” chi tenit ligaus 14 museus e situs archeologicus de sa Marmidda. Su scopu est cussu de fai unu percursu de sa cultura pighendi sa bidea de su peregrinagiu de Santiago de Compostela.
A donnia museu chi si bisitat benit postu unu timbru apitzus de su “billetu” cun su marcu de su museu o de su situ. Su bisitadori pagat 2 € (eurus) po donnia museu o situ chi bisitat, a parti cussu de su “ Consorzio Sa Corona Arrubia” innói si pagat 4 €.
Ddoi at tres situs archeologicus chi faint parti de su sistema: su Parcu Archeologicu de Biddanoa de Forru, su Putzu Sacru de Sardara e su Nuraxi de Biddanoa Franca. Is museus, invecis, funt de prus e de custus faint parti 10 struturas : su Meseu archeologicu de Sardara, de Biddanoa de Forru e Biddanoa Franca ; is dus Museus etnogràficus de Villa Asquer a Tuili ; is museus de Lunamatrona, Pauli Arbarei, Segariu, Setzu e Siddi.
S’oferta de cultura, nascia cun s’agiudu de sa Província de su Campidanu de Mesu” e cun su “Sistema Turísticu Locali”, est su frutu de un’esperiéntzia de gestioni fata me in is annus. Proponit una bidea de unu “marketing” territoriali cun su scopu de afortiai s’oferta turística, de milliorai sa gestioni de is risorsas istoricas, culturalis e naturalis e, a su própriu tempus, spratzinai su turismu, in totu is logus de sa Província.
S’acontéssiu incapitat in sa matessi dì de sa “Giornata Internazionale dei Musei” organizada, cumenti a donni annu, su 18 de Maju, ICOM (International Council of Museums). Po sa primu borta, la “Giornata Internazionale dei Musei” (Sa Dì Internatzionali de is Museus) at a essi fata cun s’agiudu de “s’UNESCO Memory of the World Programme, cun su “Coordinating Council of Audiovisual Archives Associations” (CCAAA), cun s’International Council of Archives (ICA), cun s’International Council of Monuments and Sites (ICOMOS) e cun s’International Federation of Library Association (IFLA), cun su scopu dichiarau de arricai s’acontéssiu de significaus, circhendu de fai abberai una bidea prus manna de avaloramentu integrau de su patrimóniu culturali. Po s’ocasioni su Museu fait brintai po totu sa dì chentza de pagai.
