Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Wednesday, April 11, 2012 - L'UNIONE SARDA
mércuis 11 de Abribi de su 2012 – L’UNIONE SARDA
Província. Totus is risorsas funt elencadas in d-unu istúdiu de 181 pàginas aprovau de s’Assembrea. S’Assessori: at a essi prus simpli circai finantziamentus e fai promotzioni.
De sa Marmidda a su Linas a su Campidanu, in totu bintisesi (26) museus, 11 areas archeológicas, cuatru (4) teatrus, duas (2) iscolas de música, duus (2) sistemas bibbliotecàrius e duamilladuxentuscorantacincu (2245) líbburus, 8 situs de importàntzia comunitària (Sic), tres minieras bécias, sesi annus de trabballu, bintimilla (20.000) eurus de ispesa. Funt custus is númuns de su Pianu de is Benis Culturalis de sa Província de su Campidanu de Mesu. Aprovau custas dìs passadas in Biddacidru, me in is localis de bia Parrocchia.
S’Assessori Gigi Piano at nau :« Unu patrimóniu culturali importanti, chi, po sa primu borta, s’agatat in su centru de s’isvilupu económicu e sociali de su territóriu. Su Pianu, difatis, nascit cun s’iscopu de donai unu cuadru cumpletu de is benis, po mesu de una documentatzioni omogenea e sistematica, ponendusì cumenti a un’aina de amparu e de programmatzioni de su territóriu”. S’istúdiu est cumentzau me in su 2006, cun s’incarrigu a una certa sociedadi romana, chi luegus iat pigau in esàmini fabbricus e materialis, spainaus me in is 28 Comunus, po mesu de circas e vísitas a is logus interessaus. Totus is iscedas, bessias a pillu, immui s’agatant arragotas in d-unu líbburu de 181 pàginas. Aciungit s’Ass.Piano : “ Aina, chi tenit s’iscopu de difiniri abbisóngius e potentzialidadis de dónnia setori, po marciai prus a lestru me in sa promotzioni e in sa circa de is finantziamentus”.
Críticu su consilleri de minoria, su síndigu de Barùmini, Emanuele Lilliu: “ Eus fabbricau una machina bella chentza motori. No si podint lassai, a sa guida de is museus. operadoris de bona voluntadi, chentza personali cualifícau, a cumentzai de is diretoris. Si a ingíriu ddoi at un’ocupatzioni de prus de 200 personas e unu costu de unu milioni e setixentus milla eurus, tocat a fai sistema”. Atacu pesanti a is cuatru consilleris de sa minoria, chi ant lassau s’aula. Massimo Sanna at nau : « No pigai parti a sa discussioni de un’argumentu diaici importanti est una bregúngia. Ancoras de prus poita seis innòi scéti po si ndi pigai su getoni” .
