Logo della Provincia del Medio Campidano

Sardegna

Salta la barra di navigazione e vai ai contenuti

Vivere la campagna

“Certamen Deleddiano”: cuncursu natzionali e europeu po is iscolas

Grazia Deledda, premio Nobel 1926 per la letteratura

Monday, March 26, 2012 - REGIONE AUTONOMA DELLA SARDEGNA

lunis 26 de Martzu de su 2012 – REGIONE AUTONOMA DELLA SARDEGNA

Su « Istituto Superiore Regionale Etnografico » (Isre) at pubbricausu bandu « Certamen Deleddiano”, cuncursu natzionali e europeu asuba de sa figura e de s’òpera de Grazia Deledda, prémiu Nobel in su 1926 po sa literadura, e asuba su cuntestu istóricu relativu e atuali.
Su cuncursu, bandiu impari cun s’Assessorau regionali de s’Istrutzioni Púbbrica, cun sa Diretzioni generali de s’Ufíciu iscolàsticu regionali de sa Sardigna de su Ministeru de s’Istrutzioni, de s’Universidadi e de sa circa e cun sa “Associazione nazionale Presidi” est riservau a is alunnus italianus e francesus de is iscolas superioris de segundu gradu no universitàrias.

Su “Certamen” est pretziu in tres setzionis:
1) sa prima setzioni pertocat cumponimentus narrativus o sàgius;
2) sa segunda setzioni pertocat scenegiaduras po “films”, po su teatru, fotografia o produtzioni po piataforma “web” o “comics” o documentàtius;
3) sa de tres pertocat sa scultura o su modellismu o calisisiat àteru trabballu.
In dónnia setzioni nci podit essi unu prémiu comunu o individuali:
- eurus 3000 prémiu comunu destinau a s’iscola;
- eurus 2000 prémiu individuali destinau a s’iscola de sa produtzioni premiada
- unu “Ipad” destinau a su titolari de sa produtzioni premiada.

Un’àteru prémiu comunu o individuali de una de is tres setzionis in aciunta a cussu giai istabbilius est riservau a is istudiantis chi no funt iscritus in d-un’iscola sarda.
Po una rapresentàntzia de is iscolas italianas e francesas bincidoras ddoi at unu biaxi, s’ospitalidadi, sa bísita de is logus de Grazia Deledda e participatzioni a sa premiatzioni chi ddoi at su 10 de Meseidas de su 2012 me in su “auditorium” de su “Isre” in bia Mereu n°56 in Nùgoro.
Is propostas de su cuncursu depint lompi aintru de mesudì de su 31 de Meseladàmini de su 2012, in su « Istituto Regionale Etnografico », bia Papandrea n°6, 08100 Nùgoro.