Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Thursday, March 15, 2012 - NEWSLETTER SERRENTINFORMA N. 401 DEL 15.03.2012
gióbia 15 de Martzu de su 2012 – “ Newsletter Serrentinforma” n°401 de su 15-03-2012
e@M2 est unu progetu po is giòvunus chi tenit s’iscopu de fai isvilupai is cumpeténtzias me is sa produtzioni musicali e me in s’organizatzioni de eventus. e@M2 spertiat sa criatividadi e sa professionalidadi de is giòvunus po mesu de s’agregatzioni e de sa música.
Su progetu est presentau de s’Unioni de is Comunus « Terre del Campidano » impari a is comunus de : Serrenti, Samassi, Sant’Éngiu e Serramanna impari a àterus assótzius e aziendas, chi òperant me in comunus chi participant a sa proposta e in Sardigna. Su progetu e@M2 at arriciu unu finantziamentu de 40.000 eurus po mesu de unu bandu ANCI – Ministeru de sa gioventudi po is progetus chi tenint s’iscopu de avalorai sa creatividadi de is giòvunus. Po mesu de su co-finantziamentu de is Comunus participantis si lompit a sa somma totali de 60.000 eurus.
Is atividadis funt:
@ricerca:creatzioni de una banca de datus de is giòvunus musicistas chi òperant in su territóriu de is comunus stichius in mesu e de sa Província de su Campidanu de Mesu ; atòbius cun is musicistas giòvunus me in comunus participantis ; cumprimentu de unu situ « web » po spratzinai is atividadis de progetu ; ( atividadis prevídias in su períodu martzu – abribi de su 2012) ;
@laboratori : cumprimentu de duus cursus formativus po is giòvunus de is comunus de Serrenti, Samassi, Sant’Éngiu e Serramanna. Is duus cursus funt donniunu de 80 oras e previdint sa participatzioni de 15 giòvunus. Su primu cursu est orientau a fai prodotus musicalis, su segundu a organizai eventus ; ( atividadis prevídias me in su períodu maju – làmparas de su 2012) ;
@tirocini : s’atividadi de imparu chi sighit a is laboratórius tenit s’iscopu de organizai cuncu avenimentu musicali (eventi_in) e de fai unu « CD » cun su materiali de is participantis a is laboratórius ; po donniunu de is participantis a is laboratorius ddoi at assumancu 20 oras de imparu ; (atividadis prevídias me in su períodu argiolas – donniasantu de su 2012) ;
@residenze : si donat sa possibbilidadi a is participantis de fai 2 o 3 dìs a cuntatu cun artistas o espertus de livellu natzionali ; ( atividadis prevídias me in su períodu meseladàmini- donniasantu de su 2012) ;
@eventi _ in : organizatzioni de cuatru cuncertus ( avenimentus musicalis), unu in donniunu de is comunu participantis, chi agradessint sa participatzioni de grupus e musicistas giòvunus ; cuncursu po scioberai unu grupu po participai a un’avenimentu in d-una bidda europea ; ( atividadis prevídias me in su periodu austu – cabudanni de su 2012);
@eventi_out: participatzioni de unu grupu ( o de unus cantu musicistas) a un’avenimentu musicali europeu ( meseladàmini – meseidas de su 2012). Is giòvunus e is musicistas interessaus a pigai parti a su progetu podint cuntatai s’indiritzu “e-mail”: em2anci@gmail.com
