Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Monday, December 17, 2012 - L'UNIONE SARDA
Lunis 17 de Meseidas de su 2012 - L’UNIONE SARDA
Barùmini. Su de 15 anniversàriu de s’arriconnoscimentu de s’Unesco.
Su Síndigu: est puru unu motori de isvilupu po sa bidda.
Est istétia una festa vera e própria cussa de 15 annus de s’iscritzioni de s’area archeológica Su Nuraxi a su patrimóniu mondiali amparau de su “Unesco”. Su Centru culturali “Giovanni Lilliu” fiat prenu de genti po afestai sa ricurréntzia organizada de su Comunu de Barùmini e de sa Fundatzioni Barumini Sistema Cultura, innói si funt arremonaus is momentus prus importantis de s’istória de su situ archeológicu, a mancu de un’annu de sa morti de su grandu archeólogu Giovanni Lilliu.
Su Síndigu, Emanuele Lilliu, narat: “ S’arriconnoscimentu de su “unesco” est istétiu puru unu motori de isvilupu económicu e de su trabballu de sa bidda, cun sessanta gióvunus cualificaus e specializaus chi ddoi trabballant. Eus a ammanniai s’oferta turisticu-culturali cun sa realizatzioni de su parcu archeológicu-literàriu-ambientali, cumenti a únicu percursu intra su Nuraxi, Casa Zapata e s’Iscola de Restauru e scavu archeológicu”. Perfetamenti de acórdiu s’Assessori regionali Luigi Crisponi, chi aciungit: “ S’eredidadi de su grandu patrimóniu identitàriu de sa Sardigna impari cun su binómiu turismu-cultura podit e depit creai un’isvilupu económicu ancoras prus mannu”. Intra is àteras cosas ddoi iat sa letura de unus cantu branus dedicaus a Giovanni Lilliu, chi iat iscobertu su nuraxi, e est istétia inaugurada s’ammosta de su momentu “Daidàleia”- S’ammosta de s’arti de otu artistas avedalis sardus, chi at abarrai oberta totus is dìs fintzas a su 21 de Martzu de su 2013.
