Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Wednesday, September 26, 2012 - L'UNIONE SARDA
mércuis 26 de Cabudanni de su 2012 – L’UNIONE SARDA
CULTURA. Rassigna traditzionali organizada de Biddanoa de Forru impari a Sàrdara e Biddanoa Franca. Museus e Nuraxis obertus gratis su finecida po is turistas.
Vísitas a gratis a museus e nuraxis ma s’at a chistionai puru de is úrtimas Olimpiadis de Londra e de messarítzia. At a essi sa Marmidda sa grandu protagonista me in su finecida de is “Giornate Europee del Patrimonio”, rassigna amparada de su Ministeru po is Benis Culturalis imparis a unus cantu milla comunus, chi ant a ammostai i prendas cosa insoru, ancoras pagu connotas. Sàbudu e domigu si brintat gratis me in su museu cívicu “Su Mulinu” e me in su nuraxi de Biddanoa Franca chi portat su matessi nómini e chi abarrat a pagus chilometrus de su centru abbitau. Me in su própriu situ, si podit ammirai s’únicu altari torrau agatai in d-unu nuraxi de s’Ísula. Su finecida no si pagat nimmancu in Sàrdara po visitai su Museu Villa Abbas me in s’area archeológica de Sant’Anastasia, e in “Casa Pilloni”.
Gratzias a sa proposta “ABC: Ambiente-Benessere –Cultura” me in is duas dìs chi sa bidda istrangiat puru una tapa de sa festa natzionali de su “Plein Air” cun un’atóbiu de is chi impreant su “camper”. Scéti po sàbudu ddoi at sa vísita gratis asuba s’istória de is Olimpiadis me in su museu de
“Sa Corona Arrubia” , chi me in sa própriu dì, a cumentzai de is noioras, istrangiat unu cunvegnu asuba de is úrtimus giogus olímpicus de Londra. Ma si chistionat puru de su passau de sa manifestatzioni sportiva mondiali cun testimòngius de atretas sardus chi cun sa maglia natzionali ant pigau parti a is Olimpiadis. Intevenint Franco Udella po su pugilau, Sandro Floris e Gianfranco Dotta po s’Atretica Ligera. Sempri sàbudu ma a is sesi e mesu, me in sa bibblioteca de Biddanoa de Forru ddoi at una cuferéntzia ténnia de Ignazio Camarda, professori de s’Universidadi de Tàtari, chi chistionat de “Agrobiodiversità vegetale: una lunga storia di agricoltori, divinità, piante, botanici e multinazionali dalle origini ai giorni nostri”.
