Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Friday, June 10, 2011 - COMUNICATO STAMPA
Cenàbara 10 de Làmparas de su 2011 – Comunicau po is giornalis
Mércuis, 8 de Làmparas me in s’Aula de su Consillu in Biddacidru, ant premiau su bincidori de sa de 4 editzioni de su cuncursu « La giornata della Memoria », po arremonai s’Olocaustu (s’isperdimentu de is Ebreus). Su cuncursu, organizau de s’Assessorau a s’Istrutzioni Pubblica de sa Província, po is istudiantis de sa IV – V classi de is iscolas superioris. Is iscolas chi ant pigau parti funt: Istitutu professionali “Volta” de Gúspini, Istitutu magistrali “Lussu” de Santu ‘Éngiu, Liceu classicu “Piga” de Biddacidru, Liceu scientíficu “Marconi” de Santu ‘Éngiu e Istitutu professionali “G.B. Tuveri” de Villamar.
Is classis, chi ant pigau parti, ant fatu trabballus chi pertocant sa ligidura e s’analisi de su « Manifesto della razza » pubblicau su 5 de Austu de su 1938 me in sa rivista “ La difesa della razza” e de is iscritus integrali de is “Leggi Razziali” (Leis de sa ratza) de su 1938/1939 in Italia. Is iscolas ant pigau parti cun 8 trabballus, seti cortometragius e unu fumetu, isceraus, narat sa cummissioni, po s’impegnu de is classis, po una circa profunda de is contenutus, po s’impreu sàbiu de is tecnologias nobas, chi est istétiu prus mannu cunfrontu a cussu de is médius de comunicatzioni de sa traditzioni.” Sa classi bincidora est sa II E (PNI) de su Liceu Piga cun unu cortometragiu chi, segundu sa cummissioni, est istétiu su prus originali, poita s’impreu de su biancu e nieddu fait arragordai is “films” mudus; po sa cura de is costumus, po su trucu e s’iscera de is ambientis; po sa craresa de is cuncetus espressaus, chi arrannescint, in sa sintesi de is iscenas, a ammostai contenutus chi pertocant su cuncetu universali de « sa timoria de su diversu » At cordinau sa cerimónia de premiatzioni Piero Porru, dirigenti de su “Convitto nazionale di Cagliari” e mémbru de sa Cummissioni, meda bortas, at ispiegau sa dificultadi de sa Cummissioni de fai un’iscera, poita is trabballus fiant de grandu calidadi e de sensibbilidadi particulari. Teresa Pani, síndigu de Biddacidru, at obertu sa cerimonia arragordendi s’iscopu de “Sa dì de sa Memoria” e is atrocidadis de su séculu passau. Funt intervennius: su Présidi de su Liceu Classicu, Antonio Macchis; su viceprésidi de s’Istitutu magistrali, Salvatore Manno; Michele Cuccui Assessori provinciali a is políticas giovanilis . Apustis de is saludus e de is interventus, ddoi iat sa premiatzioni de totu is classis, chi ant pigau parti a su cuncursu, e sa proietzioni de is filmaus, chi ant fatu nasci una grandu ammiratzioni e interessu me in su pubblicu.
S’Assessori a S’Istrutzioni Pubblica, Gianluigi Piano, po primu cosa, at arringratziau a is dirigentis iscolàsticus e a is insegnantis, chi in manera atenta e iscrúpulosa sighint a is piciocheddus me in is percursus de créscida e formatzioni e apustis at nau: “Sa sensibbilidadi e s’atentzioni de custus piciocheddus po un’argumentu aici importanti, sa partecipatzioni a su cuncursu e trabballus aici incolliosus e de perítzia rara, ammostant chi sa Província at spéndiu beni su dinai, poita ddoi at una créscida umana e culturali e custu fatu si prenit de artivesa.”
