Logo della Provincia del Medio Campidano

Sardegna

Salta la barra di navigazione e vai ai contenuti

Vivere la campagna

“Campus” istadiabi de música de is bandas

Banda Santa Cecilia

Thursday, June 9, 2011 - L'UNIONE SARDA

Gióbia 9 de Làmparas de su 2011 – L’UNIONE SARDA

Biddacidru

Is vacantzas in música me in su padenti de Monti Mannu. Funt obertas is iscritzionis a su de seti “ Campus estivo di approfondimento strumentale e Musica d’Insieme” ( “Campus” istadiabi de profundamentu istrumentali e Musica impari) organizau de sa banda “Santa Cecilia”.
Su “Campus” est de su 12 a su 20 de Austu me in su parcu ispantosu de Magusu, de propriedadi de su Demàniu, innói is chi pigant parti podint allogiai me in s’ex Caserma forestali e me in sa “ Locanda del Parco” (sa locanda de su Parcu).
Concetta Vacca, Presidenti de s’Assótziu de is bandas, narat: “ su “Campus” est obertu a totus is musicistas, chi bolint fai un’esperiéntzia de vacantza – istudiu musicali cun maistus ispecializaus. Intra de una letzionis e s’atra ddoi at su discansu in un’ambienti chi ispertat s’atentzioni e s’istúdiu. Su “Campus” donat sa possibbilidadi de afortiai sa própiu ténnica musicali e de isperimentai maneras nobas de fai música, po podi cunformai is bandas a is tempus de oi”.
Su cursu previdit una parti ténnicu – istrumentali e s’istúdiu de is partiduras, chi funt programma de su cuncertu, previdiu po su 20 de Austu, a is 21,30 (noioras e mesu de a merì) me in su Parcu n° 2 in Biddacidru