Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Friday, December 7, 2012 - ASSOCIAZIONE CULTURALE BeS
cenàbara 7 de Meseidas de su 2012 – “Associazione Culturale BeS”
Arriciu, pubbricaus: Arbus, un’acontéssiu in arregalu a is bellesas de su territóriu: “Paesaggi da fiaba” . Sa de 4 editzionis. Annu 2012.
Fonti: “Associazione Culturale BeS”
Su assótziu “Associazione Culturale BeS”, si cumbidat a pigai parti a sa cirimónia de premiatzioni de su Cuncursu Literàriu e Artísticu de s’acontéssiu “Paesaggi da fiaba”, chi ddoi at sàbudu 15 de Meseidas a cumentzai de is dexi de a mengianu (10,00) me in s’Aula de su Consillu de su Comunu de Arbus.
Sa de 4 editzionis de sa manifestatzioni, realizada gratzias a su contribbutu de s’Assessorau a sa Cultura de sa Província de su Campidanu de Mesu, de s’Assessorau a s’Istrutzioni Púbbrica de su Comunu de Arbus, e gratzias a s’agiudu pretziosu de s’autrici Rossana Copez e de s’illustradora Eva Rasano, tenit cumenti a argumentu su mundu de is contus e s’est isvilupau in d-una série de propostas culturalis faci a su mundu de s’iscola.
Is contus e is contus popularis ammostant, difatis, un’acàpiu forti cun sa cultura chi ddas esprimit. Logus, fatus, personàgius nascint de is esperiéntzias istóricas, giogràficas e socialis bivias de su Territóriu, bessendi universus de simbólicus caraterizaus de identidadis fortis e de traditzionis chi sighint a tenni una funtzioni bia me in sistemas socialis insoru. Mundus simbólicus e arcàicus, chi in su matessi tempus arrannescint a generai visionis immaginàrias. Unu patrimóniu antigu, chi po meda tempus e me in medas facis suas at caraterizau in manera forti sa vida e is logus de custus territórius e chi oi podit arresultai una grandu aina formativa.
Me in su mesi de Donniasantu est istétiu fatu unu cuncursu literàriu e artísticu po contus no pubbricaus riservau a is pipius de is elementaris de is comunus de Arbus e Biddacidru (classis 4 e 5). In su matessi tempus chi s’est fatu su cuncursu funt istétias propostas unus cantu atividadis de labboratóriu cun s’iscopu de promovi s’iscritura creativa e favoressi s’arti cumenti a aina po sa comunicatzioni espressiva e sa créscita de is connoscéntzias. Sa scritrici Rossana Copez (autrici e co-autrici de: “Fiabe sarde”, “Tutti buoni arriva Mommotti”, “Fiabe palestinesi”, “Adottamostri”) e s’illustradora Eva Rasano ant presentau e guidau is labboratórius.
Is trabballus de is pipius (prus o mancu 100) funt isvilupaus previdendi unu trabballu intra classis diferentis in modu de si cuncentrai una asuba su trabballu narrativu e s’àtera asuba s’illustratzioni gràfica de is testus. Custu passàgiu at permitiu de creai un’ocasioni de cunfrontu stimulendi esperiéntzias de incontru e scàmbiu intra is alunnus de is classis diferentis.
Associazione Culturale BeS
Bia Repubblica, 135 – 09031 Arbus (VS)
info@associazionebes.it
www.associazionebes.it
Consulta s’acontéssiu – 15 de Meseidas “arbus, un’acontéssiu in arregallu a is bellesas de su territóriu: “Paesaggi da fiaba”. Sa de 4 editzionis.Anno 2012
Consulta sa locandina
Cundividi cun:
