Salta la barra di navigazione e vai ai contenuti
Vivere la campagna
Wednesday, March 7, 2012 - LA NUOVA SARDEGNA
mércuis 7 de Martzu de su 2012
Seddori. Sa Provìncia at donau su bandu po su cuncursu chi tenit s’iscopu de creai su « logo » de su Sistema Bibbliotecàriu de sa Provìncia de su Campidanu de Mesu e sa bidda, cumenti a is àteras 28 (bintotu) de sa Provìncia cumbidat a is gràficus e a is artistas suus a pigai parti. Is trabballus depint lompi aintru de su 24 de Abribi me in s’area cultura de sa Provìncia. Custus depint po fortza essi inéditus e si podint fai cun calisisiat ténnica e istili gràficu, tenendi contu, però, chi podit serbiri po cosas diferentis, po esémpiu, carta intestada, locandinas (avisus), situs “internet”, ec. Su marcu a s’internu cosa sua depit portai s’iscrita in italianu: “Sistema bibliotecario del Medio Campidano” e s’iscrita in sardu “Sistema bibbliotecàriu de su Campidanu de Mesu” e depit essi acumpangiau, puru, de un’ischeda de ispiegatzioni.