Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Tuesday, December 18, 2012 - COMUNICATO STAMPA
Martis 18 de Meseidas de su 2012 – Comunicau po is giornalis
Luigi Muscas castiat unu de is contus prus eciseris asuba de sa Marmidda, oi su giornalinu a fumetus “Topolino” dda torrat a proponni. Me in is edícolas no s’agat prus s’úrtimu númunu de “Topolino”, poita dd’ant béndiu a lestru. Sa véndita spantosa est dépia a sa pubbricatzioni de su contu “ L’energia dei Giganti” , chi nascit me in su territóriu de sa Província de su Campidanu de Mesu. Custu contu, difatis est de is tempus chi s’agatàt sa biddixedda de Sitzanus, innói, oi, ddoi at sa bidda de Pauli Arbarei. Is bandidus iant sdorrocau sa bidda e de su 1727 no ddoi at nisciunu arrastu, a parti chi me in is contus de Luigi Muscas. Custus no funt frutu de sa fantasia de Luigi Muscas ma si ddus at trasmitius sa bisàja Filomena Frau. Cumenti at nau s’autori, in s’ atóbiu de lunis 17 de Meseidas ande sa sedi de sa Província, a sa preséntzia de Fulvio Tocco e de cuncu collabboradori suu: “ Fintzas de piticheddu, mancai no sumportessi su tabbacu de nasu de bisaja Filomena, boliat drommiri cun issa, poita mi contàt is contus de is Gigantis, chi biviant in Sitzanus. Fiant óminis mannus meda e su fatu no depit ispantai nisciunu, poita po fintzas trisàju miu Salino Muscas, de sa Santu Lussurzu, fiat artu 2 metrus e 39 centimetrus e fiat forti meda. Custa fortza ma no sa matessi artària est istétia ereditada de cuncunu de s’eredeu cosa sua fintzas a su séculu passau. Custus contus m’incuriosiant meda e scéti a mannu apu tentu su disígiu de ddas bolli contai a àterus, po no ddas iscaresci. Bisàja mia e nonnu miu sciant cun siguresa chi in localidadi “Cort’accas” s’agatànt e s’agatant is ossus de is mannus gigantis nostrus. Su chi mi dispraxit est chi àterus si pongiant meris de custas istórias chentza nai de innói ndi benint”. Si su contu pubbricau in “Topolino” podit agiudai a spaniai su nómini de sa Sardigna in su mundu, iat a essi una chistioni de curretesa, a parti chi motivu de grandu satisfatzioni po s’autori e po totu su territóriu, precisai chi sa fonti originària de su contu est Luigi Muscas, nàsciu a Mara Arbarei ma crésciu e pesau fintzas de pipieddu intra is antzianus de una bidda istraordinària de sa Província de su Campidanu de Mesu, Pauli Arbarei, sa bidda antiga de Sitzanus.
