Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Saturday, June 4, 2011 - L'UNIONE SARDA
sàbudu 4 de làmparas de su 2011 – L’UNIONE SARDA
Sa Província istabbilessit critérius nous po donai su dinai : mai prus dinai a iscavuàdura.
De oi nci at su registru de is assótzius: prontus 600 milla eurus.
Su grandu coru de sa Província de su Campidanu de Mesu, chi est un’esércitu de 10.000 volontàrius, bivit e crescit me in is 28 comunus de sa Província, agiudendu dónnia dì 279 assótzius : 112 operant in sa sanidadi, 5 trabballant po sa millioria sociali, 1 est de agiudu torrau, 25 funt in su ramu de su folclori, 21 me in sa musica, 100 faint atividadis chi pertocant su teatru, s’ispetàculu e benis culturalis.
Una atividadi importanti, chi bivit gratzias a s’agiudu económicu de sa Província (cust’annu est unu pagheddu prus pagu de 600 milla eurus). Prima su dinai fiat donau o segundu s’ordini de arribu de is domandas o segundu s’abbisóngius. “A chini tropu e a chini nudda” murrungiàt sa genti ma de oi su Consillu Provínciali at aprobau unu regolamentu, chi donat vida a su Registru de is assótzius e de is organitzatzionis de voluntariau.
SU CAMBIAMENTU. De oi scéti chini est iscritu me in su registru tenit su deretu de domandai agiudus. Po si iscrì me in su registru tocat a : trabballai chentza iscopu de guadàngiu, tenni una sedi legali me in sa Província de su Campidanu de Mesu, tenni unu atu de fundamentu, un’istatutu e unu bilànciu própiu e fai un’arrelatu apitzus de is trabballus fatus. Pruscatotu is grupus folclorísticus depint presentai is documentus (fotografias e documentus), tenni un’asseguratzioni po dónnia sóciu e arrispetai is régulas de decoru e portamentu, bàsciu pena de essi cancellaus de su registru.
SA PRIMATZIA. Narat Michele Cuccui, Assessori a su Turismu de sa Província de su Campidanu de Mesu, “ Seus sa primu Província a tenni unu registru de is assótzius. In su 2011, annu europeu de su voluntàriau, si est partu bellu arragodai is volontàrius, ponendu a su centru de s’atentzioni su trabballu, fatu in siléntziu cun discretzioni e determinu. S’iscopu est cussu de castiai e avalorai totus is formas de assótzius in sa matessi manera, chentza de ndi favoressi cuncuna e fai dannus a is atras ».
