Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Wednesday, June 1, 2011 - COMUNICAU PO IS GIORNALIS
Est acanta de acabbai su progetu de educatzioni alimentari, ambientali e chi pertocat su sartu – “Fattorie Didatiche “ Satu po imparai” annu de iscola 2010/2011, fatu de sa Província, Assessorau a s’ Istrutzioni Pubblica, impari cun s’ “Agenzia regionale Laore”, cun is doxi fatorias didaticas e cun is iscolas de su primu ciclu de su territóriu provinciali.
Lunis su 6 de Làmparas ddoi at un’atóbiu cun s’iscopu de apariciai unu modellu de capitulau de apaltu, chi istabbilit chi me in is mensas iscolàsticas de su territóriu si depint pappai is prodotus de su logu e s’introdutzioni de costumàntzias bonas, cumenti s’amparu de s’ambienti e su fai isceras chi no procurint dannus a s’ambienti. A s’atóbiu ddoi at a ai is Síndigu de su territóriu, is rapresentantis de s’ASL n° 6 de Seddori, de s’”Agenzia Regionale Laore”, de is iscolas, de is fatorias didaticas acreditadas, de is organizatzioni de categoria (CIA, Coldiretti, UCI, Confagricoltori, ecc) de is gestoris de is mensas iscolasticas, de su Gal de sa Província (Monte Linas e Marmidda) e de s’ANCI. Ddoi iat un’atóbiu dónnia mesi sichè s’ potziu averiguai su traballu fatu de su grupu operativu, chi at arragotu totus is datus de su territóriu provinciali e at fatu su modellu de capitulau.
Su 6 ispricant ita narat su capitulau e is datus de is mensas de su territóriu.
Gianluigi Piano, Assessori a s’Istrutzioni Pubblica narat : « Is atóbius e su traballu de su grupu operativu, fatu de sa Província, de is Comunus, de s’ASL, de “Laore” e de is gestoris de is mensas, funt istétius fundamentalis po tenni un’idea precisa e cumpleta de sa ristoratzioni colletiva de sa Província. Prus o mancu milli pipius de is iscolas chi ant pigau parti a su progetu, acabau a sa fini de Maju e ant frecuentau is percursus in fatoria Po is mensas iscolàsticas su percursu sighiu est simili a cussu de is fatorias.
Me in s’atóbiu de su 6 de Làmparas ant a ammostai totus is datus de is mensas iscolasticas de su territóriu e su modellu de capitulau. Un’ istrumentu chi sa Província ponit a dispositzioni de totus is amministratzionis comunalis, chi bolint fai una política de educatzioni alimentari e ambientali. Is primus Comunus chi, in manera isperimentali, ant a impreai su capitulau funt is comunus de Pabillois e Samassi, chi tenint is apaltus acanta de iscadì e ant pigau parti a s’ istúdiu de is capitulaus diferentis e a sa redatzioni de su modellu de su capitulau”. S’Assessori acabbat narendi: “ eus giai tentu unu primu risurtau: su fai unu progetu gratzias a is energias e a su traballu de totu su territóriu, poita totus is interessaus, siat pubblicus siat privaus ant sighiu un’idea comuna de isvilupu, pighendi parti in manera ativa a dónnia momentu de su progetu”.
