Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Thursday, July 12, 2012 - COMUNICATO STAMPA
gióbia de Argiolas de su 2012 – Comunicau po is giornalis
In su cuntestu de is interventus po avalorai s’istória e sa cultura locali, a cumentzai de su 2007, sa Província de su Campidanu de Mesu at fatu partiri s’istúdiu de is documentus allogaus ande s’archíviu de su Spidali Managu de Siddi, cun su progetu “I rimedi a base di erbe dell’ospedale Managu di Siddi”, curau de sa Prof.ra Cecilia Tasca, presidi de su cursu po is Benis Culturalis de s’Universidadi de Casteddu. Su trabballu si fundat asuba de s’anàlisi, de sa cumparatzioni e de sa circa, fatas cun precisioni e passioni asuba de is registrus generalis de is mobàdius e asuba de is cuadernus de vísita de su spidali, chi donat assisténtzia sanitària a is poburus residentis in cussu territóriu, chi oi currispundit cun sa Província de su Campidanu de Mesu e is incontradas lacanantis.
S’istúdiu de s’archíviu de su spidaleddu de campàngia chi, intra de su 1860 e su 1890, períodu candu fiat in atividadi, at registrau 700 mobàdius, est acabbau me in su 2009 cun s’imprenta de su líbburu “Ricette per poveri – Medicina in Sardegna nella metà dell’Ottocento” a cura de sa Prof.ra Cecilia Tasca. Custu volúmini, presentau su 27 de Friaxu de su 2009 in Siddi, spaniau in totu is bibbliotecas, is iscolas e is comunus de sa Província, donau a sa Regioni, a is Universidadis sardas e a s’Archíviu de Istadu, oi si presentat in formatu digitali me in su situ de sa Província de su Campidanu de Mesu, po essi a dispositzioni de totus.
