Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Friday, January 7, 2011 - LA NUOVA SARDEGNA
Su portali de sa Província de su Campidanu de Mesu aciungit su Campidanesu a s’Inglesu, Francesu e Tedescu.
Seddori. “Províntzia de su Campidanu de Mesu - Ofitziu de sa Lingua Sarda”, me in su situ web de sa Província de su Campidanu de Mesu immui si fueddat in sardu ( campidanesu). Su portali a prus de s’Inglesu, Francesu e Tedescu, chistionat in limba puru e s’arricat de unu cumponenti de sa cultura locali e regionali.
Nc’est ancora cuncu probrema tennicu po brintai ma fortzis oi a totu at a essi risolviu.
Sa versioni in lingua sarda de su situ de sa Província – at nau s’Assessori provinciali a sa Cultura, Fernando Cuccu – est un atru passu po lompi a fueddai duas linguas, su Sardu e s’Italianu, cosa chi sa Província cun is atividadis suas e cumenti a Enti promotori o a Enti finantziadori fait a favori de sa Scola, de is Cumunus e de is privaus.
Chi si ocupat de sa tradutzioni in sardu de su portalli est Annalisa Caboni, est sa responsabili de un’atra proposta, chi sa Província est portendi a innantis po s’avaloramentu de sa lingua e de su territóriu de su Campidanu de Mesu.
Cun is finantziamentus de sa Lei Regionali, chi pertocat s’amparu de is minorias linguisticas istóricas, s’Assessorau provinciali a sa Cultura at abbivau s’Ofitziu de Limba Sarda cun su scopu de dda spaniai su prus possíbbili.
S’Ofitziu de Limba Sarda est a Biddexidru in sa sedi de su Consillu Provinciali, in bia Parrocchia 190. Immui su traballu est fatu de unu operadori (faidori) chi chistionat duas linguas, su Lunis, su Mércuis e sa Cenàbara de is 10,00 a is 13,00.
(l. on)
