Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Monday, September 10, 2012 - COMUNICATO STAMPA
lunis 10 de Cabudanni de su 2012 – Comunicau po is giornalis
Unu púbbricu fitu at pigau pati a sa de 7 editzionis de sa manifestatzioni “Mestieri, saperi e sapori del passato”, organizada de sa Proloco impari cun su Comunu de Biddanoa de Forru.
Cenàbara 7 de Cabudanni, a sa preséntzia de unu púbbricu locali fitu e de is amministradoris, me in su centru istóricu de Biddanoa de Forru ddoi iat s’inauguratzioni de sa rassigna “ Mestieri, saperi e sapori del passato”, chi tenit s’iscopu de avalorai sa cultura de su papai, is traditzionis localis e is prodotus de sa Província de su Campidanu de Mesu, ammostaus a su púbbricu de 46 esponidoris. Su Síndigu Emanuela Cadeddu, sutalineendu s’importàntzia sociu-culturali de sa manifestatzioni, narat: “Est necessàriu chi is gióvunus, is antzianus e totu sa comunidadi pighint parti. Is númunus ancora una borta ammostant sa valididadi de sa manifestatzioni. Cun pagu s risorsas, cun s’impignu de is citadinus, de is assótzius localis seus arrannéscius a ponni in peis unu programma cun atóbius culturalis de livellu bonu, rapresentatzionis, ispetàculus, labboratórius didaticus, medas esponidoris, tastadura de is pitàntzias típicas po animai sa bidda me in is tresi dìs de sa rassigna. Abetenti s’inghitzu de su “film”, me is su schermu mannu ant donau su “spot” de noranta segundus, realizau aposta po sa rassigna de su regista Piero Tatti, chi at spiegau: “ Apu pigau de sa vida de dónnia dì. Su pastori, su messaju, sa meri de domu, s’artesanu pigaus mentris trabballant in s’ambienti cosa insoru ... scéti diaici podis donai contu de is traditzionis e de sa manera de bivi de custas personas istraordinàrias chi, ancoras oi, iaus a depi castiai”. Apustis a sorpresa est sighida sa proietzioni de su cortometràgiu “Terre, uomini e animali – Lands, men, animals” girau a Biddanoa de Forru cuncu annu fait, unuu sguardu a sa vida de su messaju e de su pastori innói si bit s’atacamentu de s’ómini a is animabis e s’amori po sa terra. Una spécia de presentada a su “film” de su merì “Custu est su procu”, testimonia asuba sa bocidura de su procu in Marmidda, documentàriu in língua sarda, girau in Lunamatrona in su 2006. Tomas Tatti, autori de is testus e de is músicas, narat: “Apu iscioberau custu “film” pentzendu prima de totu a s’apuntamentu “Simbua fritta cun satitzu” e “Cixiri cun peis de procu” programmaus po sa rassigna e, prus ancoras, apu pentzau a su valori documentali e didàticu de is immàginis e de is contus naraus de de is protagonistas de su “film”.
A sa manifestatzioni ddoi iat su presidenti de sa Província de su Campidanu de mesu, Fulvio Tocco, chi pighendi a arramoni is argumentus de su “film”, at arragodau a su púbbricu is interventus e is progetus provincialis fatus in custus ùrtimus annus po avalorai su territóriu, chentza de trascurai is probbremas causaus de sa crisi económica generali. Sest firmau pruscatotu asuba de sa funtzioni istratégica chi podit tenni sa messarítzia po fai torrai a partiri s’economia in Sardigna, ammostendi, datus a sa manu, chi umperendu su 1,5% de is intradas de sa Regioni Sarda est possibbíli fai torrai a partiri s’economia de is incontradas de sartu.
