Logo della Provincia del Medio Campidano

Sardegna

Salta la barra di navigazione e vai ai contenuti

Vivere la campagna

Riforma de su “Parcu Geomineràriu Istóricu e Ambientali de sa sardigna – domanda urgenti de sotoscritzioni de su protocollu de intesa

Miniere di Montevecchio

Wednesday, September 26, 2012 - COMUNE DI GUSPINI


mércuis 26 de Cabudanni de su 2012 - Comunu de Gùspini
Arriciu, pubbricaus: Riforma de su Parcu Geomineràriu Istóricu e Ambientali de sa Sardigna – Domanda urgenti de sotoscritzioni de su Protocollu de Intesa.
Fonti: Comunu de Gùspini

Su Síndigu de Gùspini, Rossella Pinna, preocupada po sa prospetiva chi is gióvunus de su própriu territóriu s’agatant ananti, at apretau cun d-una lítera acorada a su Presidenti de sa “Comunità Parco Geominerario Storico e Ambientale della Sardegna” , dot. Luigi Perseu (Síndigu de Igresias), po chi apretit sa presidéntzia de sa Giunta Regionali a firmai sa sutascritzioni de su Protocollu de Intesa, chi iat a permítiri a is situs miniràrius de cumentzai su percursu de avaloramentu e cumbertidura noba previstu de su Progetu Istratégicu, chi abetat de partiri oramai de undixi annus.
In sa lítera inviada in su matessi momentu a totu sa Comunidadi formada de otantaduus comunus, de is províncias, de is Universidadis de Casteddu e de Tàtari, e a su Commissàriu istraordinàriu Dot. Antonio Granara e a sa Segreteria de sa Consulta de is Assótzius de su Parcu Geomineràriu; su primu citadinu de Gùspini tocat unus cantu puntus chi increscint relativus a sa situatzioni de is territórius de su Parcu e, pruscatotu, de s’incontrada de su Guspinesu e de s’Igresienti, arragodendi is úrtimus acontéssius, oramai connotus de totus, chi ant torrau a fai chistionai asuba de sa política industriali, chi s’isvilupat asuba de is acontéssius chi riguardant sa Carbosulcis, s’Alcoa, sa Vinyls, sa Legler ( po arremonai is prus importantis). Sutalineat, puru, cumenti firmas importantis de sa comunicatzioni e figuras importantis de sa política regionali e natzionali (de Bersani, segretàriu de su PD, a Mario Sechi, diretori de “Il Tempo”) ant marcau cun prus fortza, me in is úrtimas cidas, cumenti su Parcu Geomineràriu de sa Sardigna podit agiudai a s’isvilupu económicu-sociali de is incontradas interessadas. Is úrtimas arrigas, su Síndigu ddas dedicat, invecias, a sa proposta de tzerriai un’assembrea istraordinària e urgenti de sa Comunidadi de su Parcu, cun s’iscopu de discuti, cun totus is chi ndi faint parti, si e calis àteras riformas de mobbilitatzionis si potzant fai, po chi si potzat lompi su prus prestu possíbbili a s’acabbu de su percursu de riforma de su Consortziu de su Parcu”