Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Wednesday, December 1, 2010 - REDAZIONE
Su Museu de su territóriu « Sa Corona Arrubia », chi est una realidadi importanti po sa cultura in Sardigna, sighit su percursu de rennovamentu, torrendi a is oríginis ma castiendi a su tempus benidori.
Partendi de is primu mostas fissas de su museu, chi pertocant sa natura, ant a cresci sempri de prus is argumentus chi arriguardant sa sciéntzia, pruscatotu sa biologia, sa chimica e sa fisica.
In custu cuntestu tenint grandu importàntzia is atividadis de formatzioni, chi funt essentzialis po sa connoscéntzia e po sa cumprensioni, pruscatotu de is pipius ma de is piciosus e de is famillias puru.
Su Museu proponit progetus de giogu e de imparu, no scéti po is iscolas de donnia ordini e gradu ma po is piciocheddus e is famillias puru. Is percursus funt úndixi e arriguardant argumentus diferentis.
A is pipius e a is piciocheddus, po mesu de giogus, de atividadis creadoras e manualis, est donada sa possibilidadi, de lograi risurtaus chi pertocant sa didàtica, su essi impari e sa crescita personali .
A sa scoberta de is cincu sentidus est unu percursu chi si fait cumprendi s’importàntzia de is sentidus, ndi spertat sa connoscéntzia e s’impreu po scoberri sa natura, chi est aroru.
Fai su mollu (modellu) tuu est un’atividadi didàtica chi, partendu de is mollus, profundat sa connoscéntzia asuba de is arratzas prus importantis de animabis de sa Sardigna e asuba de su logu innói bivint, fai unu mollu spertat su creai e su movimentu de is manus de is piciocheddus.
S’erbariu est unu percursu chi si fait scoberri is arratzas prus importantis de matas e de is erbas de su logu, cun su scopu de fai unu erbariu.
Flora e Gufeto funt dus personàgius de fantasia, chi nci arrannescint a fai bivi sa realidadi de su museu in unu mundu incantau e po mesu de contus e de giogus lompint fintzas a is prus piticus.
Su giòvunu sproradori est unu giogu po pipius e famillias chi, partendi de is argumentus de sa setzioni “mollus” de su museu, spertiat sa capacidadi de osservatzioni de is pipius, po mesu de domandas spassiosas.
Sa Linna proponit unu cunsideru asuba de su raportu intra s’Ómini e su territóriu e pruscatotu asuba s’importantzia de su padenti e siché de sa linna in relatzioni, puru, a su svilupu de sa “tecnologia”.
A s’umbra de is follas est unu progetu didaticu, spratziu in dus momentus: unu teóricu e unu praticu (de is bisitas), chi serbit a scoberri e a connosci su funtzionamentu de is matas e cuncuna arratza chi nci at in Sardigna.
Dioramiz est un’atividadi de giogu e de imparu chi si fait in grupu. Po mesu de su traballu fatu impari, po lompi a unu scopu, su giogu spertiat a sa connoscéntzia de is animabis e de is prantas de sa Sardigna.
Sa bogadura de su DNA est una butega dedicada a s’osservatzioni e a su studiu de sa strutura, de su compitu e de is ténnicas de bogadura de su DNA de is prantas. A parti su essi un’acostamentu a is términis de sa genetica est, puru, un’ocasioni po cunsiderai s’importantzia de s’amparu de is arratzas diferentis.
Giogus Antigus est unua butega didatica, chi pertocat su studiu de s’Ómini, chi fait de ponti intra su passau e su presenti in unu cuntestu de giogu innói is pipius e is piciocheddus funt is protagonistas in totu e po totu. S’atividadi tenit su scopu de spertiai sa sensibilidadi siat a su recuperu de sa Cultura, de su connotu e de sa Lingua Sarda, siat a s’arrispetu de s’ambienti, a s’arrisparmiu e a su cambiu (riciclu) de is arrefudus.
Is ambientis e is forestas de su mundu est unu progetu didàticu spratziu in tre fàsis : teorica, pratica e creadora, chi portat is piciocheddus a sa scoberta de is ambientis de is forestas de su mundu e pruscatotu de cussas Sardas. Su percursu acabat cun unu momentu de averiguatzioni e creatzioni, difatis dónnia piciocheddu cun unu disenniu at a creai sa própiu foresta prus o mancu de fantasia.
