Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Tuesday, April 17, 2012 - L'UNIONE SARDA
martis 17 de Abribi de su 2012 – L’UNIONE SARDA
Biddanoa de Forru, Segàriu, Futei, Lunamatrona, Siddi, Ussaramanna, Mara Arbarei, Pauli Arbarei e Turri. In Marmidda in bicicreta po scoberri situs archeológicus e ristorantis.
In bicicreta po is bias de sa Marmidda scoberrendi in su “computer” palmari o me in su telefoninu de ùrtima generatzioni is situs archeológicus. Ma is “menù” típicus puru propostus me is agriturismus e de is ristorantis de su territóriu.
Est originali su progetu finantziau de s’Assessorau Regionali a su Turismu a sa Corona Arrúbia gràtzias a su bandu po sa promotzioni de is percursus temàticus chi avalorant su patrimóniu de cultura, de paesàgiu e de ambienti de sa Sardigna. At a lompi luegus unu milioni e 35 milla eurus me in is càscias de su Cunsórtziu Turísticu, cun s’aciunta de 165milla eurus de parti de s’enti subracomunali e de is amministratzionis, chi pigant parti a sa proposta: Biddanoa de Forru, Segariu, Futtei, Lunamatrona, Siddi, Ussaramanna, Mara Arbarei, Paulu Arbarei e Turri. Is turistas chi lompint me in sa terra de is nuraxis e de is Giaras podint iscoberri s’oferta archeológica, ambientali, culturali e arricidora de s’incontrada, gràtzias a is iscedas disponíbbilis me in su cellulari, me in su “computer” portàbbili o me in cussu palmari ofertu diretamenti de Sa Corona Arrúbia. Ignazio Pittiu, responsàbbili de s’ufíciu ténnicu de su Cunsórtziu, narat: “ eus a fai un’arretza chi umperat mezus diferentis e chi spaniat is nobas po mesu de unu sistema chentza fius. Sa sedi operadora de su progetu est s’impiantu nàsciu annus fait po su tratamentu de is iscartus de su trabballu de is mobinus po s’obia e su manixu de su cordobinu. In custus localis, cambiada sa destinatzioni de usu, ddoi at ai su “server” de su servítziu informadori ma eus a ponni puru, a dispositzioni de is visitadoris, 20 “mountain bike”, 10 bicicretas de “trekking” e unas cantu bicicretas giai fornidas de palmari po is pipius” . In s’interis chi pedalant, is turistas ant a scioberai calis situs visitai e innói podi papai proceddu arrustu, sebadas o malloreddus a sa campidanesa. Acabbat su Presidenti de Sa Corona Arrúbia Daniela Figus : “ Istória, traditzionis e modernidadi impari po promovi totus is risorsas localis nostras, est a nai s’iscopu de su Cunsórtziu.
