Logo della Provincia del Medio Campidano

Sardegna

Salta la barra di navigazione e vai ai contenuti

Vivere la campagna

Sa Giara de Gesturi

Veduta dell'altopiano della Giara e del centro abitato di Gesturi

  • Localidadi: Sa Giara de Gesturi (Gesturi, Genuri, Tuili e Setzu)
  • Tipu de percursu: in machina o a pei
  • Tempus de percurrentzia: una o prus dis
 

Nci funt medas maneras po gosai sa bellesa de sa Giara, po dda bisitai e scobèrri is logus prus bellus, s’ideali iat a essi passillai, in diferentis tempus, in sa campura (campeda) a sa scoberta de is vistas, de sa frora e de is animalis arestis .
Calisisiat su percursu chi fatzaus e de calisiollat puntu partiaus, sa sproràdura de sa Giara at essi unu biaxi prenu de emotziònis e arricu de spantu. Su logu, difatis, est de grandu interessu poi is amantis de sa geologia e de s’archeologia e riservat, a is caminadoris prus abilis, vistas tropu bellas: domus de Janas, tumbas de is gigantis e nuraxis medas funt collocaus in logus de aundi si gosat una vista spantosa.
Passilla passilla si podeus firmai in su giàrdinu botanicu Morisia, innoi agatais pratziteddas cun tipus de matas e de froris sardus diversus po donniuna. Non mancant nimancu is sennoricas (orchideas) ( nd’ at de 12 arratzas), una est sa morisia manatha, chi at donau su nomini a su giardinu.
Non mancant i logus po si pasiai e po murzai, fatus fai de is comunus de Gesturi, de Genoni, de Tuili e Setzu.
Acanta de is màras e de is laghiteddus ingiriaus de padentis de làndiri e de ortigu podeus bi’ a is cuaddeddus de sa Giara, chi funt, prus o mancu, 500 e bivint iscapus in tallus piticus in su matédu tipiu. In custa zona ddoi trastigiant is allevadoris, chi ant costruìu furriadroxus e madaus, chi nci funt ancora, mancai non s’ umperint prus, tra custus fàbbricus caraterìsticus nci funt is pinnettas, innoi podeus papai is prodòtus de su logu. Chi bisitaus sa Giara depeus biri, puru, is biddas, chi nci funt a oru e chi tenint, in is centrus storicus e in is cresias, testimongius importantis de su tempu passau e de su connotu agru-pastoràli.
Sigheus su viagiu (biaxi) tra is montixeddus (seddas, mògurus) de sa Marmilla e sa vega innoi, in su beranu, is froris prufumant e allirgant su logu cun su cabòri arrubiu de su bababoi, cun su grogu e biancu de is margheritas e cun su cabòri de òru de su trigu in s’istabi, chi in su mesi de donniasantu lassat su logu a su frori de su tzafanau, ma sa bellesa e richesa de is cabòris e de prefumus nc’ est a totannu.