Salta la barra di navigazione e vai ai contenuti
Vivere la campagna
Si partit de sa Cantina Ferraris (Biddexidru), a pustis de ai fatu unu tretixeddu de su mori 109 si depit girai a sa dereta in su mori 112. Una borta lompius a sa fini de is canalis Filareddus e Filari Mannu, si brintat in is cràchiris de ilixi passendi in sa mulatiera antiga finas a lompi a Punta Piccciuccu (719 m.), de aundi si gosat una vista spantosa de su frumini Riu Linas, de su Riu Figus e de is guturus de Muru Mannu.
In su caminu s’atobiant medas pratzollas de crabonaias, chi funt unu sartidu in su tempus passau a sa scoberta de traballus oramai sparessius, chi una borta fiant praticaus de ominis po is calis sa montannia fiat su sustentamentu principàli de sa vida. Su mori artziat ancora fintzas a brintai in su matedu tipìu de sa baddi de Figus. Apustis de ai traversau sa sterrada e su Riu Figus si lompit a unu de is logus prus bellus de su Monti, s’Ovile Linas, chi est a 373 metrus, de innoi si podit mirai sa baddi stravanada de Magusu e is cucurus cumenti Punta Acua Tzinnigas ( Punta Acqua Zinnigas) (1136 m.de artaria).