Salta la barra di navigazione e vai ai contenuti
Vivere la campagna
Unu mori beni sinnialau, chi portat a intru de s’area de is Crocorigas, partit de su burgu de Montibeciu e sighit su cursu de s’arriu Rio Ruggeri, chi brintat in unu cràchiri ( padenti) de ilixi, in su caminu si depit truessai (atraversai) meda bortas s’arriu, innoi nci funt tantis confluéntzias. Su turrenti, in su cursu cosa sua, cambiat cabori: de su biancu lati a cabòri arrúina poita ddoi funt is arrefudus de is traballus de sa miniera, chi si fadiant a monti e chi beniant scarriaus in is acuas de su turrenti.
Caminendi in is crachiris podeus bi’ medas tipus de prantas, podeus ammirai duas arratzas de sinnìbiri, su percursu sighit variu e arricu de spantus fintzas a lompi a is dunas de Piscinas, innoi su frumi Rio Ruggeri bessit Rio Piscinas e innoi renniat sa natura, chi arregalat vistas bellas medas. Truessendi is dunas tra is lillus e s’erba pudescia (fenugu de mari), si lompit a sa bella playa de Piscinas.