Salta la barra di navigazione e vai ai contenuti
Vivere la campagna
Agricoltura
Ambiente
Bilancio e Patrimonio
Consigliera di Parità
Cultura
Formazione Professionale
Immigrazione/Emigrazione
Innovazione Tecnologica
Lavori pubblici e Viabilità
Lavoro
Personale
Pianificazione Territoriale
Politiche giovanili
Politiche Sociali
Protezione civile
Pubblica Istruzione
Sport
SUAP
Trasporti
Turismo
URP
Su caminu, chi proponeus, cumentzat in su territoriu de Biddexidru, in is terras de su demaniu de Monti Mannu, innoi si bit ancora sa Miniera de Canabi Serci, in parti, coberta de su matedu, chi est torrendisì a ponni meri de su logu.
A pagus chilometrus, in territoriu de Gonnosfanadiga, in su Parcu comunali de Perd’ ‘e Pibera, agataus su chi abarrat de una miniera de molibdenite, unu solfuru umperau poi is lubrificantis e sichè de grandu interessu poi s’industria. Su Parcu, acanta de sa bidda, s’amostat unu logu, chi est praxibi in donnia tempus.
De Gonnos si andat faci a Guspini, bidda, chi est stetia condizionada meda de is atividadis de sa miniera, siat po su chi pertocat s’economia, siat po cantu arriguardat su svilupu de sa sociedadi.
Prus o mancu, a noi chilometrus de sa bidda agataus su burgu e sa miniera de Montibeciu (Montevecchio); in mesu de unu territoriu arricu de matédu, de padenti e de tupa mediterranea, innoi ddoi bivint is cerbus, agataus cantieris minerarius, chi presentant una architetúra meda fíni. Sa miniera de Montibeciu (Montevecchio), arrica de prumu e zincu, fiat, fintzas a is annus ’60, tra is prus importàntis de s’Europa. Su situ, giai de tempus, est asuta ‘e tutela e, in parti, est stetiu acónciau e destinau a is atividadis turisticas.
Innoi si podit bisitai su Cantieri de Piccalinna, gallería fata de is Inglesus e de is Sardus, e su Palazzu de sa Diretzioni, sedi de su diretori de sa Miniera e de sa famillia sua, sa mobillia est de su Sescéntus e de su Otuxentus. S’architetura eleganti testimongiat de sa bella vida, chi fadiant is serbidoris de sa Sociedadi mineraria, difatis ddoi fiat su cinema, su teàtru, sa strangia poi is impreàus, su campu sportivu, sa scola, sa posta e su spidali.
Custu burgu abarrat tra su comunu de Guspini e cussu de Arbus, de innoi una sterrada atravessat is cantieris de Ponente e lompit fintzas a sa playa de Piscinas e a su burgu de Ingurtosu, chi presentat fàbbricus minerarius arrutus, chi funt ingiriaus de mògorus cobértus de matas birdis, chi cabant a mari, po formai is dunas de Piscinas, e chi lompint fintzas a sa playa.
In sa bia, chi portat a mari, si podit bi’ su Pozzo Gal, bellu fàbbricu, chi est istetiu acónciau e chi, immui, est bessiu sedi de su musèu, chi pertocat sa miniera. Sighendi agataus: sa laveria Brassey, is domus de chi traballàt in miniera e su chi abarrat de sa linea ferroviaria, chi serbiat a su trasportu de su materiali bogau.
Sa biddixedda di Pitzinurri, pagu atesu de Ingurtosu, unu tempus fiat bidda de minadoris, immui, invecis, recuperada in totu e po totu, serbit po su turísmu
