Logo della Provincia del Medio Campidano

Sardegna

Salta la barra di navigazione e vai ai contenuti

Vivere la campagna

Is bias de sa fidi: is ritus antigus

Cavaliere in costume tipico durante la festa di San Gregorio a Sardara

 

Is traditzionis religiosas e is ritus antigus si tramandant in sa Provincia, poita faint parti de una storia religiosa e popolari, colligada a sa cotidianidadi e a su rìtmu de sa terra e de is càmpus. Su consillu, po is prus curiosus, est cussu de assisti, in periodus diferentis de s’annu, a is manifestatzionis religiosas e popolaris, innoi sa celebratzioni de is santus si acumpangiat a elementus ligaus a sa traditzioni popolari e cotidiana.
Su fogu est, giai sempri, protagonista de ballus, cantus, celebratzionis, pichetàdas e ritus favoressidoris, cumenti cussus dedicàus a Sant’Antoni, chi si afestat a Bidddexidru, Pabillonis, Ussaramanna, Gonnosfanadiga, a Santu Sebastianu afestau a Barumini, Turri, Furtei, Segariu, a Santu Bissenti venerau a Pauli Arbarei.
Su trigu est un atru elementu impreau in is celebratzionis diferentis, a Pasca Manna, po esempru, si oferrit su nenniri, chi est su trigu tzeurrau; po is isposorius, su trigu benit ghettau asuba de is isposus cumenti augúriu de prosperidàdi e serenidàdi; su primu de s’annu a Biddexidru, benit giau (ofertu) buddiu e cundiu cun sa sàba, po augurai fertilidàdi e un’incungia abbundànti po s’annàda nòba.
Nci funt, però, acontessius prus curiosus, innoi is protagonistas funt is cuaddus e is burricheddus, cumenti su Pàliu de is burricheddus, chi si currit a Gesturi in su mesi de austu, oppuru is prucessionis (prufessonis) pomposas, candu is cuaddus sfilant in onori de su santu e is jùs de is bois tragant is tracas, chi funt is carrus cuncodraus cun froris e gilandras.