Salta la barra di navigazione e vai ai contenuti
Vivere la campagna
Is mestieris antigus bivint, ancòra, in Provincia, po mesu de s’abilidadi de is apassionaus e de is artesanus, chi ddus agodrant e ddus amostant in totus is festas.Oi, cumenti ariseu, sa festa est unu momentu de cundivisioni (cuncórdiu) e de cuncàmbia ma est puru unu catalizadori de produtus tipicus, chi, dificilmenti, s’agatant impari in atras ocasionis. S’artesania de su logu s’amostat, in totus is sfumaduras e formas suas, pruscatotu in recorrèntzias e abbeniméntus particularis cumenti sa « Festa de su burgu », chi si fait a Seddori in su mesi de cabudanni, sa biennàle de su goteddu sardu « Arresojas », chi si fait in is struturas antigas de is minieras de Montibeciu, in su mesi de austu ; sa Mustra de s’artesania sarda, chi si fait a fini de su mesi de austu a Pabillonis, chi est una biddixedda connota cumenti sa « bidda de is pingiadas » po s’abilidadi in su traballai sa terracota ; sa manifestatzioni « Tebajus », chi si fait in austu e chi fait torrai a bivi sa produtzioni antiga de is tèbas a Segariu; sa Sagra de sa ceresia, chi si fait donni annu a Biddexidru e chi in cust’ocasioni ospidat is artesanus de su territoriu, e sa Sagra de su mebi a Montibeciu, innoi donni annu s’agatant medas maistus.